Ami nia kbiit mai husi Maromak, Nia mak foo kbiit mai ami. – 2 Korintu 3:5-6

Jesus fo hatene ba nia discipulus sira, matan moris no halo orasaun, keta husik ita monu ba tentasaun, espiritu ne’e obedese, mais isin ne’e fraku.’
(Mateus 26:41), signifika saida? Signifika katak sem espiritu santu nia prezensa, ita labele hasoru tentasaun, tamba ita nia isin ne’e fraku.

Maromak la hare ba o nia edukasaun diak ou lae, o makas ga lae, mas Maromak sei fo bensaun ba o, bainhira o rekonhese no depende total ba Maromak nia kbiit. Ne’e signifika katak orasaun no sadere ba Nia, molok o hahu.

No kontinua orasaun no sadere ba nia to’o rohan. Ida ne’e signika mos se karik Maromak la fo ba ita, no ita obriga atu ba mesak deit, ka Nia haruka ita halo buat ruma mas ita koko halo hoi ta nia kbiit rasik, konserteza ita sei falha (gagal). No ida tan nia sei halo ita falha nafatin to’o ita bele koalia hanesan Paulo: ‘Laos tamba ita kompeten iha ita nia an rasik, hodi protesta saida deit ba ita nia an, maibe ita nia kompetensia mai husi Maromak.

Agora ita to’o iha ne’ebe? Sadere ka depende ba ita nia kbiit rasik, no ita falha bebeik?
Entaun liafuan ba loron ohin: duke sadere ba ema nia forsa, ka ita nia forsa rasik, diak liu mai ita sadere total so ba Maromak deit. (MF)

Hahan ba klamar- Genesis 24:1-25:18, Mateus 18:10-20, Salmo 58, Proverbios 6:12-15