Jakarta, CNN Indonezia – Uza máskara tali agora daudaun popular teb-tebes iha komunidade nia le’et. Aleinde sai hanesan moda (Fashion) ida, máskara tali ne’e mos halo fasil ema ne’ebe uza bainhira halao atividades.
Bainhira tenki loke máskara, ema ne’ebe uza so presija tara mascara ne’e iha kakorok ajuda husi tali ne’e refere.
Maske hare elegante, maibe afinal uza máskara tali ne’e la totalmente fo benifisiu. Em vez de fasilita, uza máskara tali, nia fo risku hodi hadaet virus.
“ Ne’e perigozu, tamba nia liur ne’ebe kontaktu hela ho anin liur, entaun bele kona iha kulit ou kaer ho liman. Depois, ita nia liman kaer ita nia inus, “ dehan doutor spesialista Pulmaun, Erlang Samoedro, ba CNNIndonesia.com, Kuarta (24/2).
Assuntu ne’ebe hanesan fo sai mos husi Chefe Divizaun Gestaun Sáude Forsa-Tarefa Covid-19, Brigadeiru Jeneral TNI (Purn) dr Alexander K Ginting. “ Lolos, máskara nia laran ne’e labele kontaktu ho buat seluk, so bele ho parte isin lolon, “ dehan nia, iha nia konferensia pers ne’ebe fo sai husi Kanal YouTube BNPB, loron hirak liu ba.
Tamba bainhira ita tara, máskara sei kona iha roupa, ne’ebe bele halo kontaminadu ho virus. Nebe regras lolos mak máskara labele kona ho sasan saida deit, so ho parte isin.
Máskara, hatutan tan Alexander, la presija taka-hasai bebeik. Razaun tamba, Posibilidade teb-tebes iha virus ne’ebe belit iha nia oin. Bainhira book, liman ne’ebe kona iha parte kontaminadu sei hadaet virus ba inus ou matan bainhira ita kaer oin.
“hatun hasae máskara ne’e mak ita nia preokupasaun, liu tan se ita nia liman bok bebeik máskara nia parte liur, “dehan Alexander.
Troka Máskara
iha ita nia atividade lor-loron ne’ebe kontinua lao hanesan bai-bain, senti impossivel sei ema ida uza bebeik máskara. Ita presija hasai iha oras ruma, ezemplu karik ita han meudia ka oras deskansa servisu nian.
Hodi prevene assuntu ne’e, Erlang fo konselhu ba publiku hodi sempre prepara masker barak wainhira halao atividades iha liur. “baihira ita halao atividades, diak liu tenki iha máskara barak, “dehan nia.
Duke tara máskara tun hela, depois uza fali, diak liu troka máskara ne’ebe uza ona. Liu tan, Erlang hatutan, máskara ne’ebe bokon, kona be’e ka kosar ruma, presija troka.
“Máskara ne’ebe bokon ona labele ona funsiona ho diak, “ dehan Erlang.
Erlang dehan tan, Máskara diak liu uza labele liu oras 8. Liu oras 8 máskara tenki presija troka. (MF)