Maibe tuir lolos Nia pasiensia ho imi, Nia hakarak atu ema hot-hotu hakribi sira sala, tamba Nia lakohi ema ida mate tinan ba tinan. – 2 Pedru 3:9

Se karik ita halo orasaun ba ema sira ne’ebe ita hadomi, ne’ebe seidauk hetan salvasaun, tuir mai iha promessa Biblia nian ne’ebe ita bele kaer. Nia pasiensia ho ita, Nia lakohi ema ida mate, maibe ema hotu tenki mai ho arrepende. Hamos liafuan hotu nia naran, no hatama naran sira ne’ebe ita hadomi.

Enquantu o sei moris, o sei iha esperansa! Milagre ikus ne’ebe Nai Jesus halo mak, salva naokten ida ne’ebe hedi hela iha kruz, iha Jesus nia sorin: loron ida ne’e kedas o sei hamutuk ho Hau iha lalehan (Lukas 23:43).

Maromak nia liman laos badak atu salva ita, ka Nia tilun laos diuk para atu rona ita nia orasaun (Isaias 59:1).

Jesus dehan, laiha ema ida bele mai iha Hau, se Hau nia Aman la lori nia mai (João 6:44) entaun pasiensia ba, Maromak iha nia tempu.
Keta laran susar no deziste. Hanoin didiak! Ida ne’e Maromak nia vontade hodi salva sira.
Fiar iha deit ba Maromak! (MF)

Hahan ba klamar- exodo 17:8-16, 2 korintu 1:3-7