Grupu ida ho armas naok estudante 317 estudante feto sira, Sexta (26/2), husi eskola asrama Nigeria norte, dehan Polisia. Naokten sira ne’e hanesan assaun naok massal estudante sira iha nasaun Afrika osidental ne’eba.
Polisia no militar hahu ona operasaun hamutuk hodi salva feto sira ne’e, depois de ataka iha Escola Pública Feminina de Ensino Médio iha Cidade de Jangebe, tuir porta-voz polisia iha nasaun parte Zamfara, Mohammed Shehu, ne’ebe konfirmadu numeru estudante feto ne’ebe sira naok.
Ida husi estudante sira nia inan-aman, Nasiru Abdullahi, dehan ba edifisiu Notisia Asossiasaun Press katak nia oan feto nain rua, ho tinan 10 no 13, mos lakon hotu.
“ Tristi teb-tebes, katak maske militar sira besik iha eskola refere, maibe sira labele proteje labarik sira ne’e, “nia hatutan. “ iha faze ida ne’e, ami so hein Intervensaun divina.
Prezidente Nigeria Muhammadu Buhari hatete iha Sexta (26/2) katak objetivu principal governu mak fo fali buat hotu ho diak, seguru moris no la kanek.
“ Ami sei la deziste ba exortasaun husi bandidu kriminozu sira ne’ebe naok estudante sira ne’e, ne’ebe laiha sala ida ho esperansa katak bele hetan pagamentu ne’ebe bo’ot , “ Dehan nia. “ Husik bandidu, naokten, no terorista laiha iluzaun katak sira forsa liu fali governu.’’
Nigeria akontese ona atake no naok hanesan ne’e durante tinan barak ona, inklui assaun naok ha Abril 2014 husi grupu jihadis Boko Haram. Momentu ne’eba grupu refere naok menina sira hamutuk 276 husi eskola Médio Chibok iha nasaun parte Borno. Feto sira atus resin mak to’o agora sei lakon. (MF)
https://www.voaindonesia.com/a/kawanan-bersenjata-culik-ratusan-siswa-nigeria/5795046.html