Jakarta, CNN Indonezia – Ex Sekretariu Estadu EUA Mike Pompeo afirma ema barak iha Saudita Arábia hakarak halao relasaun normal ho Israel.
Pompeo expressa esperansa katak ema Saudita sira sei hamutuk iha tratadu Abraão ne’ebe iha ona akordu husi governasaun Donald Trump.
“ hau hein katak Reinu Saudita Arábia bele hetan maneira hodi hamutuk ho akordu Abraão nian. Hau hatene ema barak iha nasaun ne’eba hakarak buat ne’e akontese, “ dehan nia.
Iha Abraão nia akordu tinan kotuk, nasaun hat maioria iha Arábia, hanesan Emiradus Árabes Unidus, Bahrain, Maroko, no Sudan konkorda hodi estabelese relasaun diak ho Israel.
Komentariu ne’e hato’o husi Pompeo iha gravasaun video diskursu ba Movimentu Combate Anti-Semitismu, ne’ebe sei fo apresiasaun premio lideransa global iha Segunda (1/3).
Durante ne’e média Israel sira halo ekspekulasaun kona ba nasaun Árabes ne’ebe interese atu hamutuk ho faktu refere. Inklui Saudita Arábia.
Diskursu kona ba atu hamutuk ho Saudita Arábia, konsidera sai hanesan prezente ne’ebe vale tebes ba Estadu Judeu.
“ previstu futuru sai hanesan luta ida mai hau,” dehan Pompeo hanesan cita husi AFP.
Nia mos aumenta tan sei iha nasaun barak sira seluk nebe hakarak iha relasaun diak ho Israel.
Tempu hirak liu ba, Pompeo no Primeiru-Ministru Israel Benjamin Netanyahu mos iha rumores katak, hasoru malu ho Príncipe Saudita Muhammed Bin Salman, iha sidade Tasi Mean, Neom.
Hasoru malu direita ne’e nega husi Riyardh. Maibe nafatin hamosu ekspekulasaun iha Israel katak iha akordu ida normalizasaun ne’ebe besik ona.
Saudita Arábia rasik konfirma ona katak sira sei la estabelese relasionamentu ho Israel to’o akordu alkansa hodi rezolve konflitus Palestina.
Governasaun Trump nian, hakbesik ba Riyardh bainhira tenta Izola inimigu hamutuk ho sira, Iran.
EUA iha Trump nia ukun mos hetan kritika makas kona ba abuzu direitu Humanus iha reinu, inklui mos kazu oho jornalista Saudita no kritika ba Jamal Khashoggi iha tinan 2018
Diferente ho Trump, Prezidente EUA Joe Biden hatete katak Washington sei husu responsabilidade (Saudita Arábia) kona ba violasaun direitus humanus.” Asaun ne’e foti hodi tuir relatoriu intelejen EUA ne’ebe hasoru ho Principe Herdeiro Muhammed bin Salman atu aprova assassinatu jornalista Jamal Khashoggi. (MF)