mane Afghanistan ida lori mate isin feto ida husi vitima sira ne’ebe servisu iha media, feto ne’ebe hetan tiru to’o mate husi grupu deskonhesidu, iha ospital Jalabad, iha Afghanistan, 2 Marsu 2021.

 

Autoridade Afghanistan, Tersa (2/3) hatete grupu mane sira ho armas deskonhesidu oho ona funsionaria feto nain 3 iha kanal televizaun lokal iha ataka separasaun iha provinsia Nangarhar, Afghanistan oriental.

Testemunha no polisia sira hatete vitima nain 3 ne’e sai husi servisu fatin atu fila ba sira nia uma, no suspeitu sira komesa halo tarjetu ba sira iha area Jalalabad, kapital provinsia nian, no konsege halai lakon.

Feto nain 3 ne’ebe hetan oho ne’e, servisu iha Televizaun Enikass privadu, ne’ebe hala operasaun iha sidade refere.

vitima ida sira dada sai husi transporte ne’ebe nia sae, molok sira tiru nia to’o mate, dehan Zalmay Latifi, Diretor Emprezariu média ne’e.

Governador provinsia Nangarhar Ziaulhaq Amarkhil hatete ba Jornalista katak ferik ida ne’ebe lao liu ne’eba mos hetan kanek.

Laiha parte ida mak responsavel ba assidente tiru mate iha lokraik ne’eba. Porta-voz ida husi grupu Taliban rejeita katak la inklui iha assasinatu refere.

Chefe polisia Nangarhar Juma Gul Hemat hateten, suspeitu ida ho armas kaer ona no halao hela investigasaun.

Ataka iha loron Tersa-feira horiseik mak ida foun husi etapa assasinatu ne’ebe akontese kontinua ba ema bo’ot sira ne’ebe importante iha Afghanistan, inklui mos jornalista, ativistas ONG, akademiku relijiozu, juiz no funsionariu Governu sira.

Violensia refere obriga komunidade barak tenki subar an, enkuantu barak mos mak husik hela nasaun ne’eba. Maioria ataka akontese iha Kabul, kapital Afghanistan.

Governu Afghanistan no autoridade EUA akuza katak Taliban mak iha inklui iha violensia sira ne’e,
Maibe akuzasaun sira ne’e kontinua rejeita husi grupu rebelde sira ne’e.

Ataka ikus ne’e akontese bainhira enviadu espesial Amerika ba Afghanistan, Zalmay Khalilzad, fila fali ba Kabul iha semana ne’e, iha esforsu hodi halao prosesu Paz iha Afghanistan.

Khalilzad hetan assinadu husi Prezidente Joe Biden hodi renegosiar fila fali akordu iha Fevereiru 2020 ho Taliban ne’ebe ezize 2.500 soldadu Amerikanu retira fila fali husi Nasaun iha 1 Maio 2021. (MF)

https://www.voaindonesia.com/a/kawanan-pria-bersenjata-bunuh-3-pekerja-media-perempuan-afghanistan/5798795.html