‘Maski imi la haree Kristu, maibé imi hadomi nia. Maski agora imi la haree nia, maibé imi hatudu fiar ba nia no haksolok tebes, no liafuan la toʼo atu esplika kona-ba ksolok boot neʼe.’ 1 Pedro 1:8

Iha nia livru, Asu Koalia, Sam Mason kontinua: ‘durante tinan hira iha nia moris, Tigger, asu modelo greyhound Italia ne’ebé ami hadomi tebes, nia matan komesa aat. Nia sofre moras katarak. Moras nee foti nia matan labele hare, maibe labele naok nia relasaun presioja ho nia nain. Hau nia feen Carol sempre temi Tigger nudar nia “asu estimadu”.

Tigger sei hamrik (la tur) iha ami nia hiti, tula nia liman rua iha ami nia kabas, depois ho domin hakruk hodi tau nia ulun iha ami nia keisu okos. Momentu nee adoro tebes. Maski nia matan la hare, la afeita Tiggers nia hakarak besik ba ema ne’ebé nia lahare hetan ona. Hosi moras katarak ne’ebé halo nia hare la mos, lahatene oinsa maibe Tiggers maneja hateke nafatin ami nia oin. Nia kapasidade nebe menus bele sai obstaklu ba nia book-an, maibe nia domin no fiar ba nia nain metin nafatin.

Ita hotu ne’ebé tau fiar iha Maromak iha disabilidade…. no mos ema fiar-nain sira. Tanba nee ita atu uja sai ita nia rajaun atu la buka tuir Maromak? Ita atu husik ida ne’e sai obstaklu atu taka dalan ita nia domin ba Nia? Ka, ho Maromak nia tulun, buka hetan forsa nebe bot liu ita nia-an atu senti haksolok rohan laek husi Nia prezensa, no hodi responde vokasaun nebe Nia tau iha ita nia moris? Los, dalaruma ita lamas-lamas iha nakukun, balun sidi no monu.

Maibe ita bele fiar Nia ida ne’ebé komprende momentu ita nia matan seidauk haree. Ita loke laran ba Nia domin no hadomi fila fali Nia… visaun ne’ebé hare la hetan!’ (CG)

HahanEspíritu □ Génesis 35-36 □ Mat 20:17-28 □ Salmo 77 □ Provérbios 6:29