Jakarta, CNN – Mane India ida, moris fila fali lalais, molok atu halo autopsia ba nia mate isin.
Funsionariu saúde ida hateten, mane ne’e kanek grave tamba hetan asidente ho motor, no mate fatin , iha semana ikus liu ba.
Mane ho idade 27 ne’e lori halai ba ospital privadu ida ho kondisaun grave.
Hanesan cita husi AFP, Kuarta (3/3), doutor ne’e deklara katak, mane refere mate no hasai ventilador ne’ebe monta hela iha nia isin.
Depois iha segunda-feira liu ba (1/3), familia husi mate isin ne’e muda mate isin ba iha ospital publiku ne’ebe besik, hodi submete ba fatin mortoariu.
Maibe bainhira doutor atu halo autopsia, mane komunidade ida ne’ebe hela iha sidade Mahalingapur iha nasaun parte sul Karnataka ne’e, bok an iha meza autopsia.
Tuir familia mane ne’e, espesialista Patologista hare mate isin ne’e bok am bainhira latan hela iha meza autopsia
Ida ne’e konfirmadu husi funsionariu saúde governu nian, ne’ebe hateten katak mane ne’ebe kanek ne’e lori direita ba ospital seluk, no nia kondisaun diak oituan.
Funsionariu ne’e hateten doutor iha ospital privadu ne’e halao ona clasifikasaun ladiak bainhira sira hasai ventilador no hanoin katak nia mate ona.
Familia sira dehan, Funsionariu saude iha ospital governu ne’e, seidauk aprezenta keixa formal. (MF)