Demonstrasaun anti-golpe Mynmar. (AFP/STR).
Jakarta, CNN Indonezia – Governu Singapura husu ninian sidadaun sira ne’ebe hela iha Myanmar atu husik hela lalais nasaun ne’e, depois de situasaun ne’ebe halo ema preokupa tamba golpe militar.
Ministru Estranjeiru Singapura (MFA) husu sidadaun sira tenki ser husik hela lalais Myanmar, tamba aumenta violensia entre manifestante sira no forsa seguransa. Vitima sira ne’ebe mate kontinua. To’o agora, liu ema 50 mate tamba assaun protesta ba golpe refere.
“Sidadaun singapura iha Myanmar tenki tetu didiak hodi fila lalais liu husi komersial, enkuantu sei possivel hela, “ dehan Ministru Estranjeiru Singapura, Kinta (4/3) hanesa cita husi Reuters.
Governu Singapura mos husu atu sidadaun sira la halo viagem ba Myanmar.
Enkuantu sidadaun Singapura sira ne’ebe nafatin hili atu hela Mynmar, husu para atu nafatin hela metin iha uma, no hado’ok an husi fatin ne’ebe la presija atu ba, espesialmente fatin sira ne’ebe akontese hela manifestasaun.
“Fo hanoin sidadaun Singapura sira atu nafatin kuidadu an, no nafatin monitor notisia lokal hamutuk, “afirma Ministru Estranjeiru Singapura.
MFA mos husu sidadaun Singapura iha Myanmar hodi prense eRegister iha site ofisial para fasil hodi kontaktu.
Singapura mos sai hanesan investidores bo’ot iha Myanmar iha tinan hirak liu ba. Ministru Estranjeiru Singapura observa nia sidadaun hamutuk 500 iha Myanmar.
Governu Singapura husu ona Junta militar Myanmar atu husik lideransa Faktu, Aung San Suu Kyi no autoridade sivil sira seluk ne’ebe kaptura hela desde hahu golpe iha 1 Fevereiru liu ba.
Ministru Estranjeiru Singapura, Vivian Balakrishnan, mos husu junta military Myanmar atu hapara violensia hasoru manifestante sira ne’ebe demonstra hasoru golpe.
ONU registu 38 ema mak mate iha aksaun ne’e iha loron Kuarta (3/3). Numeru ne’e reprezenta total vitima sira barak ne’ebe mate iha aksaun golpe nian.
Enviada espesial husi ONU ba Myanmar, Christine Schraner Burgener, hateten katak Kuarta-feira ne’eba mak loron ran fakar barak desde golpe. (MF)