Maibé odamatan kloot no dalan kiʼik tebes mak lori ema ba moris (harii husi presaun).”
Mateus 7:14

Karik o nia pozisaun moris nee iha dalan fahe klaran, o iha deit opsaun rua:

1) Kurva ba liman los ka ba liman karuk. 2) Ba oin ka hakiduk. Laiha duvidas katak Maromak hakarak o lao ba oin! Lao ba oin ba moris, laos atu fila fali ba sala.

Bainhira o duvida ida nee, lee no hanoin ba escritura sira nee: ‘Maski ó hahú husi buat kiʼik, maibé ó-nia futuru sei sai diʼak tebes.’ (Job 8:7) ‘Sira sei laʼo no sira-nia forsa aumenta ba beibeik.’ (Salmo 84:7) ‘Maibé ema laran-loos sira-nia dalan mak hanesan naroman dadeer nian, neʼebé sai naroman liután toʼo loron sai perfeitu.’(Provérbios 4:18)

‘Hanoin kleʼan kona-ba buat sira-neʼe; no fó ó-nia an tomak ba buat sira-neʼe, atu nuneʼe ema hotu bele haree ho momoos oinsá ó laʼo ba oin.’(1 Timóteo 4:15) Maromak sei fó ba o bensaun no forsa atu hakat ba oin no duni tuir dalan ba futuru, maibe hanoin kle’an ida nee: nee laos dalan ne’ebé fasil. Jesus hateten: ‘Laʼo liuhusi odamatan kloot bá, tanba odamatan boot no dalan luan mak lori ema ba mate, no ema barak laʼo liuhusi dalan neʼe. Maibé odamatan kloot no dalan kiʼik tebes mak lori ema ba moris, no ema uitoan deʼit mak hetan dalan neʼe.’ (Mateus 7:13-14)

Iha nee Jesus haklaken nia esplikasun famozu iha foho leten, ne’ebé Nia esplika oinsa ita tenki moris hanesan sidadaun ba Nia reino. Nee mak diferensia entre ‘barak’ no ‘itoan’. Grupu permeiro hili dalan felisidade, maibe grupu Segundo hili dalan ‘presaun’, ho hanoin katak maske susar, ida forma karakter Jesus nian iha ita nia aan. (CG)

HahanEspíritu □ Génesis 40-41 □ Mat 21:1-11 □ Salmo 136:13-26 □ Provérbios 6:32-35