“Laʼen sira, hadomi imi-nia feen, ‘ Éfeso 5:25
Tanba-sa biblia hatete, ‘Laʼen sira, hadomi imi-nia feen… hanesan Kristu mós hadomi kongregasaun no fó ninia moris ba kongregasaun’? Tanba o nia feen persija hatene o hadomi nia, hanoin nia, involve nia iha o nia planu, no konsedeira nia opiniaun, nia persija, no nia hakarak. Kuando o la hatete ba nia, nia sei la hatene! Mai ita hare oinsa Jesus hadomi nia kongregasaun, ne’ebé hahu ho desiplu sanulu resin rua ne’ebé lori ema barak, no aprende oinsa ita tengki hadomi ita nia feen.
Nia hadomi sira inkondisional. Nee sempre fasil ka lae? Lae. Maibe Nia la fo hanoin desiplu sira kona ba uluk sira nune ka la nune, Nia kontenti liu, hanoin kona ba sira sei sai oinsa bainhira nia bensaun tun ba sira nia moris. Para no hanoin hikas kualidade sira o hare iha o nia feen iha tempo uluk ne’ebé halo o laran monu ba nia. Iha tinan ba tinan nia isin aumenta kilo balun, aumenta namkurut foun, no dalaruma lakon la hare hetan tanba servisu barak boun barak iha uma. Maibe nia furak nafatin hanesan ema ne’ebé uluk o laran monu ba. Buat sira fasil ba o atu haluha, tanba nee tenki fo hanoin bebeik o nia-an ho nia iha buat sira nee. Aifunan kamboja kuandu kona maho-ben isin, sei namlaik no mate, maibe kuandi hetan manas, loron laran, no udan – nia sei moris buras.
Deskreve feen ne’ebé ideal, Salomo hakerek, ‘Ninia oan sira hamrik no dehan sai katak nia kontente; Ninia laʼen hamriik no gaba nia.’ (Provérbios 31:28) Tanba sa labarik sira nee gaba sira nia inan? Tanba sira hare sira nia aman halo nune! Tanbe nee kuandu ita okupadu liu, fo importansia deit ba o nia-an, ka tau atensaun liu ba buat seluk, muda o nia metodu- no fo hatene ba o nia feen katak o hadomi tebes nia. (Ita koalia ba maibe, feen sira – prinsipiu nee aplika ba parte rua hotu!) (CG)
HahanEspíritu □ Génesis 44-46 □ Mat 21:18-32 □ Salmo 106:24-48 □ Provérbios 7:3-5