sidadaun sira partisipa funeral membru partidu NLD, Khin Maung Latt (idade 58) ne’ebe mate detensaun polisia, iha Yangon, Myanmar Domingo (7/3).

 

Funsionariu ida husi partidu liga Nasional ba Demokrasia (NLD) lider Aung San Suu Kyi ne’ebe mate ona iha detensaun polisia. Funsionariu partidu ne’e konfirma ba VOA, enkuantu forsa seguransa sira kontinua atuar violensia protesta anti-golpe iha Myanmar.

Membru NLD Khin Maung Latt kapura iha operasaun Sàbadu (6/3) kalan iha Yangon no mate, afirma membru parlamentu partidu Sithu Maung. Kauza husi mate ne’e seidauk anunsia.

Tun Kyi, porta-voz Assosiasaun Assistênsia Jurídika ba prizioneirus politikus iha Myanmar hateten ba VOA katak, nia akompanha familia enlutada atu foti mate isin Khin Maung Latt no hare ran iha parte ulun, liman no ain kukun ne’ebe metan hotu, no kanek iha kabás.

Ataka kalan ne’eba halao husi polisia ne’ebe tarjetu ba iha lideransa NLD. Polisia seidauk fo komentariu kona ba assuntu refere.

Enkuantu, manifestante anti-golpe rihun barak, tun fali ba dalan Myanmar iha Domingu (7/3).

Iha Mandalay, sidade bo’ot segundu iha Myanmar, númeru bo’ot ativistas organiza aksaun protesta tur depois minutu rua silensiu hodi fo respeita ba ema sira ne’ebe mate oho husi unidade polisia no militar.

Polisia uza Granada no gas lacrimogêneo ba demonstrante sira iha sidade istoriku templo Bagan, iha patrimôniu Mundial UNESCO, ne’ebe famozu ho Templo Budista antigu.

Soldadu sira mos buka maibe la hetan advogadu sira ne’ebe servisu ba ex-lider facto Suu Kyi, Partidu Liga Nasional ba Demokrasia, afirma Sithu Maung iha ninia postagem iha Facebook. (MF)

 

https://www.voaindonesia.com/a/pejabat-partai-sui-kyi-meninggal-dalam-penahanan-polisi/5805190.html