Jakarta, CNN Indonesia – Bebê ne’ebe moris idade loron 37 iha Grésia ne’e mate tamba Covid-19. Bebê ne’e sai sidadaun ne’ebe nurak liu ne’ebe mate tamba infetadu virus corona.
“ ohin loron ami iha tan vitima nurak liu, iha ami nia nasaun. Bebê ne’ebe passa loron 17 husi 37 ne’e luta kontra virus corona. “ afirma Primeiru Ministru Gregu Kyriakos Mitsotakis, Segunda-feira (8/3) hanesan cita husi AFP.
Grésia expressa sentidu kondolensia ba bebê nia mate ne’e. “ loron ohin, tristeza labele kontrola, “ afirma Mitsotakis.
Ministeriu saúde esplika bebê mane ida ne’e lori ba ospital infantil Athena nian iha fulan Fevereiru nia klaran. Nia infrenta moras iha inus no isin manas, nune’e lori tenki koloka iha UTI. Hafoin bebê ne’e mate iha loron Domingo.
Até agora besik ema 6.800 maka mate tamba virus corona iha Grésia. Enkuantu besik ema 480 maka sei halo tratamentu intensivu.
Ministeriu Saúde semana kotu liu ba hateten, ninia parte husu atu aumenta tan rekursu humanu ba ospital privadu ne’e, tamba sistema saúde publiku iha Athena ne’ebe menus liu.
Parte opozisaun dun ba Governu Mitsotakis ne’ebe falha hapara transmisaun virus corona, maske blokeiasaun hahu tona husi Novembru.
autoridade sira fo sala tamba kazu ne’e infeksaun ne’e aumenta a’as kauza husi varian virus corona ne’ebe daet lalais liu.
Governu mos hetan ataka depois de video polisia ne’ebe baku jovem ida, durante halo patroli ba blokeasaun iha loron Domingo. (MF)