‘haksolok ho ó-nia feen husi ó-nia tempu joven, ‘ Provérbios 5:18

Biblia hateten, ‘Laʼen sira, kontinua hadomi imi-nia feen, hanesan Kristu mós hadomi nia igreja no fó ninia moris ba nia igreja.’ (Éfeso 5:25), Mai ita hamutuk hare tan oin-sa Kristu hadomi sira ne’ebé hari’i  igreja, Nia desiplu sanulu resin rua.

Nia admite sira hotu nia kbi’it. Nia haksolok ba sira nia susessu. Nia suporta no enkoraja sira hotu atu buras iha sira nia potensia tomak.

O iha vontade atu halo nune? Bainhira o hadomi tebes ema ruma, o sei la koko atu kaer metin ema nee ka buka atu kontrola sira tamba o la fiar an. O sei admite sira nia kbi’it, ajuda sira sai buat ne’ebé Maromak bolu sira, husik sira, no selebra sira nia susesu hotu.

No husik sira nia naroman nabilan liu o-nian, sai sira nia lider ba kontenti tomak. Kuandu ida nee laos modelo original iha o nia familia, dalan mak o tenki servisu ba ida nee. No kuandu o iha parseiru nebe laiha loyalidade iha relasaun uluk nian, o persija husu Maromak kura o-nia laran no fo nivel fiar foun ba o.

Harii relasaun modelu hanesan nee persija nivel homilidade no honestidade ne’ebé karik o la toman. Ida nee persija o atu kontrola o nia ego nudar mane, admite o nia tauk, no hatete ba o nia feen, ‘Hau hadomi o no hau hakarak tebes fiar o.

Bele favor ajuda hau?’
Kuandu o pasa ona estapa ida nee no senti fiar an oan ba o nia relasaun, parseiro uma-kain ne’ebé hadomi tebes o sei iha pasu oin uluk liu bainhira atu hatete ba o kona ba sira iha ne’ebé no sira pasa tempo ho sée durante loron tomak. Lia-los mak, dalaruma o tenki luta ba o nia uma kain—maibe luta nee valor iha, tanba ikus mai, imi rua manan hotu!
HahanEspíritu □ Génesis 50 □ Ageu 1-2 □ Mat 22:1-14 □ Salmo 27 □ Provérbios 7:10-20