‘Nia hadomi sira to’o remata,‘ Joao 13:1

Mai ita hare hamutuk oin-sa Jesus hadominia desiplu sira no oin-sa o tenki hadomi o nia fen.
Nia nunka para hadomi sira. Biblia hatete mai ita katak Jesus ‘hadomi Nia desiplu sira durante Nia haklaken Lia Los iha mundo… no oin-sa Nia hadomi sira to’o remata.’ Hanoin hikas fali onia juramentu kaben nian? ‘Iha diak, Iha aat….

Iha riku, iha kiak, iha moras no isin diak, to’o iis kotu mak sei hafahe ita’? Bainhira o senti katak milagre nee laiha ona ba o nia uma-kain no o laiha domin ba o nia parseiro, reza nune: ‘Aman, hau nia domin ba hau nia feen agora nee menus ba bebeik.

Hau hatene Aman nia lia-fuan hatete katak domin nebe diak mak pasensia, laran diak, laran haraik aan, hahalok mamar, la hare deit ba an, la hirus lalais, no sei la rai odio seluk nia sala (Hare iha 1 Korintu 13:4-5). Hau konfesa katak hau rai odio no iha pasensia itoan deit ho hau nia pareiro nia falta tomak. Perdua hau nia espiritu ne’ebé la maduru. Hau husu Aman tama borus hau laran no hau nia domin ba hau nia feen. Ajuda hau atu husik odio no halo ami nia uma-kain nudar modelu Ita hadomi kongresaun no entrega Ita nia-an tomak.

Servisu iha ami nia laran, Nai, atu ami prontu ho laran halo tuir Nai nia hakarak (Hare Filipi 2:13). Kura no hafoun fali ami nia relasaun ba Nai nia gloria. Lori ami bainhira ami lao tuir dalan ne’ebé harii iha Ita nia Lia-fuan hodi hamoris no hadia domin ne’ebé lakon: hanoin fila fali buat barak ne’ebé ami halo hamutuk, arepende ami-nia failansu hotu, no hamoris fila fali ami nia ahi domin uluk ita harii fofoun (Hare Apokalipse 2:5). So Ita-boot deit mak bele muda ema nia laran, no agora hau entrega hau nia laran no emosaun tomak ba Nai. “Lori hau fila fali, no ho laran hau sei fila, tanba Ita-Boot mak Nai, hau nia Maromak.” (Jeremias 31:18) Hau hasae orasaun iha Jesus nia naran, Amém.’

HahanEspíritu □ 1 Tesalónika 1-5 □ Mat 22: 15-22 □ Salmo 135 □ Provérbios7:21-23