Sosa lia-loos no keta fa’an fali,‘ Provérbios 23:23

Tempo fofoun iha tinan 1970, governo Irak kaptura grupu estudante hosi America ho halo kondena falsu [la loos] husi espionajem. Atu rekunése ba kondena sira nee, governo Irak halo tortura ba estudante sira nee.

Sira haruka enstudante sira nee atu konfesa ka admite katak sira nee espioneja husi America, no sira sei hetan livre. Ho lia-fuan seluk katak ‘Kompromesa ba lia-loos – admite ba lia bosok.’ Bainhira presaun no moras aumenta ba bebeik, sira hotu konfesa ba kondena ne’ebé sira rasik la halo—maibe iha estudante ida mak la konfesa ba kondena nee. Tortura aumenta todan ba bebeik no mesak iha izolamento halo sai dada-iis susar, no nia kuase atu destroi ona, maibe la konsege.

Ikus mai sira anunsia katak sira remata ona ho nia kazu nee, ho nune nia tenki konfesa ka admite sala nee se lae nia sei mate.

Textu konfesa nee iha nia oin kuandu sira tau pistol ba nia ulun no kaer martelu hodi komesa sura oras mai kotuk. Nia rona ona sira oho ema seluk husi nia sela laran no nia mos hatene sira ne’ebé kaptura nia bele halo mos ba nia. Sira hatete, ‘Asina o nia naran,’ no ‘o sei moris,’ maibe nia lakohi asina. Nia taka matan, halerik no pronto atu mate.

Sira dada pistol nia gatilho. Kuandu nia rona gatilho lian, nia hanoin nia mate ona. Lahatene oin-sa, pistol nee sidauk karega pistola musan.

Ikus liu, sira husik livre estudante nee, no nia deskobre rasik katak prisoneiros ne’ebé mak konfesa hotu sira nee ema tara iha fatin publik. Nia mesak mak moris. Loron nee nia aprende lisaun valor bot ida kona ba hasoru tempu defisil: kompremesa lori risku todan bot liu fali aten brani.
Lia-fuan tolu ba ita loron ohin mak:
(1) Sempre los atu halo buat ne’ebé los
(2) Nunka sala atu halo buat ne’ebé los
(3) Nunka los atu halo buat ne’ebé la los

HahanEspíritu □ Job 1-4 □ Mat 22:23-33 □ Salmo 24 □ Provérbios 24-25