Prinsipe William, Kinta (11/3) defende nia reinu familia Britânika husi kontra akuzasaun rasismo ne’ebe fo sai husi nia alin, Prinsipe Harry no nia kuinhada Meghan, hodi dehan, familia reino nian realmente laos “familia ne’ebe rasisimu.”

Iha komentariu ne’ebe nia deklara bainhira halo vizita ba eskola ida iha parte leste London, William sai hanesan membru familia dahuluk ne’ebe responde ba entrevista ida husi nia alin no dan Duchess of Sussex ho Oprah Winfrey, ne’ebe transmit iha Amerika, Domingo (7/3).

Palasio Buckingham tenta hodi responde akuzasaun rasismu no tratamentu ladiak iha deklarasaun liafuan 61, mais la akalma polêmika ne’e.

William, segundu linha herdeiru tronu nian depois nia aman, Prinsipe Charles, hateten, nia seidauk koalia ho Harry depois entrevista refere, mais nia sei koalia.

Komentariu Harry no Meghan halo nakdoko reinu familia no provoka mundu tomak atu debate kona ba rasismu, saúde mental no até relasionamentu entre Gra-Bretanha no nia ex-kolonial sira.

Meghan, gerasaun husi rassa rua ne’ebe diferente, afirma iha entrevista ne’eba nia senti izolada no terus nudar membru ativu familia reinu nian, até hanoin atu oho a’an. Nia mos aumenta tan, Harry fo hatene nia katak iha “preukupasaun no konversa” husi familia reinu kona ba nia bebê nia kor kulit bainhira nia isin rua sira nia oan, Archie. (MF)

https://www.voaindonesia.com/a/pangeran-william-bela-keluarga-kerajaan-dari-tuduhan-rasisme-/5810483.html