Jakarta, CNN Indonezia – Aksaun huru-hara iha Myanmar hamate ema total 39 inklui membru polisia ida, depois de sunu fábrika Chinesa nian iha sidade laran nasaun nian.
Até manifestante 22 anti-golpe mate iha arredores sidade industria Hlaingthaya, Domingo (14/3). Ida husi sidade setelit Myanmar. Numeru ema mate komesa reduz, bainhira fábrika sira ne’ebe finansiadu husi Chinesa hetan sunu, tuir informasaun husi grupu advokasia.
Iha parte seluk mos, manifestante nain 16 no polisia balun mate iha fatin seluk, dehan Associação de Assistência a Presos Políticos (AAPP).
Ho nune’e, total numeru mate husi aksaun protesta depois de golpe junta iha 1 Fevereiru aumenta sai 126, afirma AAPP. Alende ne’e mos, liu 2.150 ema ne’ebe mak detidu hela liha loron sábadu, no sira seluk total 300 mak livre ona.
Embaixador Chinesa hateten, barak husi staff Chinesa mak kanek no hetan kaer husi ataka sunu fábrika no husi ema asaltu sira ne’ebe deskonhesidu iha Fábrika garmen iha Hlaingthaya.
Parte embaixador mos husu ba Myanmar hodi tau matan ba propriedade sidadaun Chinesa nian. Husi sidadaun Myanmar, katak China mos apoio junta military ne’ebe assumi ona poder.
Média lokal informa, ahi-suar sai husi área industria nian, forsas seguransa komesa tiru manifestante iha arredores sidade nian, ne’ebe sai hanesan hela fatin ba imigrante husi nasaun hotu.
“ Ne’e terrivel. Ema sira ne’e hetan tiru iha hau nia oin. Ida ne’e sei la sai husi hau nia memoria, “ dehan Jornalista fotografia ida ne’ebe lakohi fo sai nia naran, iha fatin akontesimentu.
“China husu Myanmar atu toma medida efetiva hodi hapara violensia sira hotu, kastigu ema sira ne’e akordu ho lei no garantia seguransa moris no propriadade ba empreza no funsionariu Chinesa iha Myanmar, “ hakerek deklarasaun ofisial husi embaixada Chinesa.
laiha grupu ida mak responsavel ba aksaun sunu fábrika ne’e. (MF)