‘Mai ita soe tiha buat hotu ne’ebé hatodan ita no mos sala ne’ebé bele kaer metin ita, no mai ita tahan hodi halai to’o rohan‘ Ebreu 12:1

Liu husi transmisaun iha nia radio, Dennis Rainey koalia kona ba Double Eagle II, bulaun anin dala uluk nebe semo hadula atlántiku tomak.

Pilotu ne’ebé opera makina bulaun nee haree no lori sira semo to’o iha atlántiku sorin. Maibe bainhira sira iha tasi ninin Irlandia, sira semo tama ba kalohan mahar no komesa forma jelu iha bulaun nee nia leten hosi liur. Sira lakon distansia, tun husi metro 6000 ba metro 3000 iha horas nia laran. Sira halo saida deit mak sira bele halo hodi salva bulaun nee. Sira soe hotu kamera video, hahan no mos papagaio ne’ebé sira planu ona ba uja bainhira sira tun iha rai leten.

Iha distancia mentru 1200 sira halo transmisaun kona ba sira nia pozisaun no sira mos soe radio ba tasi. Ikus mai, iha metro 1000 sira hetan fila fali naroman loron matan. Jelu nee nakloke, no bulaun boot nee semo nafatin too Fransa.
Biblia hatete katak atu bele halai hodi manan iha kompetisaun iha o nia moris, o tenki ‘tau ses tiha todan hotu, no sala ne’ebé fasil kesi o.’ Sei fasil liu atu identifika sala ne’ebé o tenki husik duke todan ne’ebé tenki husik. Tanba sa? Tanba dala-barak todan nee legitimu, no inklui responsabilidade, presaun, obrigatori, orario, no buat ne’ebé kesi metin.

Loron ida nee o tenki hapara no hakerek saida naha saida mak o lori. O tenki hasoru buat hotu ho loos ka honestu no husu ba imi nia-an rasik, ‘Maromak mak fo ida nee ba hau atu hodi, ka ema seluk mak fo buat sira nee ba hau, ka hau rasik mak deside atu hodi buat sira nee?’
Saida deit mak sai todan ba o loron ida nee—haketak tiha! (CG)

HahanEspíritu □Job 8-10 □ Mat 23:1-12 □ Salmo 115 □ Provérbios 8:1-3