Iran akuza turista Francesas ida hodi dehan espiaun “ no espalha propaganda kontra sistema, “ afirma advogadu turista nian, iha Segunda-feira (15/3).
Detensaun ba turista refere sai kazu ataka foun kontra ema estranjeuiru ida ne’e, iha momentu pániku aumenta entre Iran no ocidental.
Benjamin Berrier hetan kaer fulan 10 liu ba, depois de hasai foto iha área rai fuik ida iha ne’ebe fotografia proibida no hamosu perguntas “ iha média” kona ba obrigasaun uza hijab ba feto sira, hakerek Saeed Dehghan nia advogadu iha Twitter.
Parte autoridade sira, detém (tahan) Barrier iha prizaun ida, iha sidade Mashhad, Iran nordeste, afirma Dehghan. Promtores sira foin lalais aprezenta ona akuzasaun propaganda kontra Barier iha julgamentu, nia hatutan tan, to’o bainhira seidauk klaru. Bazeia ba lei Iran, kondensaun ba espiaun bele hetan pena até tinan 10.
Barrier sai hanesan ema estranjeiru foun ne’ebe hetan detensaun kona ba akuzasaun espiaun iha Iran. Iha loron Domingo, sidadaun nasaun britânica-iraniana Nazanin Zaghari-Ratcliffe mosu fila fali iha tribunal Teerã hodi hasoru akuzasaun hanesan, espalha propaganda, depois de kumpri pena prizaun tinan lima. Feto refere nafatin iha inserteza nia laran hodi hein desijaun tribunal, no labele fila ba London.
Kazu detensaun ba ema estranjeiru sira ne’e akontese esforsu Iran hodi aumenta presaun ba Estadus Unidus no nasaun bo’ot Europeia sia, inklui França no Grã-Bretanha.
Enkuantu ex-prezidente Donald Trump kansela akordu nuklear istoriku principal ho Iran iha tinan 2018 no aplika fila fali sansaun todan sira ba nasaun ne’e, Prezidente Joe Biden mos oferese hodi partisipa fila fali iha negosiasaun hodi restaura akordu refere.
Maibe Washington no Teerã infrenta impase, tamba ida-idak insiste ba kada parte hodi reativar akordu ne’e. (MF)
https://www.voaindonesia.com/a/iran-tahan-turis-perancis-dengan-tuduhan-mata-mata/5814713.html