Maromak, Naʼi Ukun-Naʼin Boot Liu, hanorin haʼu oinsá atu koʼalia.‘ Isaias 50:4

 

Isaias hakerek: ‘Maromak, Naʼi Ukun-Naʼin Boot Liu, hanorin hau oinsá atu koʼalia, atu nuneʼe hau bele hatene oinsá atu hatán ho liafuan neʼebé loos ba ema neʼebé kole. Nia fanun hau dadeer-dadeer, Nia fanun hau no hanorin hau atu rona ho hau-nia tilun. Mai ita hasoru; kuandu o hatete ba ema ida saida deit mak iha o nia hanoin, o sei halo sira laran kanek ka sira sei husik hela o. O iha parte segredu balu. Maturidade katak o la persija hateten buat hotu iha o nia hanoin. Tan nee, buat barak iha o nia hanoin sidauk hanoin ho kuidadu! Tanba ne’e o tenki reza no husu Maromak fo ‘hanorin oinsá atu koʼalia’.

Lee eskritura 3 nee ho didiak: ‘Ema neʼebé kontrola ninia ibun proteje ninia moris, maibé ema neʼebé la kontrola nia ibun sei hetan susar.’ (Provérbios 13:3) ‘Ema neʼebé kontrola ninia ibun no nanál sei hadook an husi problema.’ (Provérbios 21:23) ‘Se ema ida hanoin katak nia adora Maromak, maibé la kontrola ninia nanál, nia bosok ninia laran rasik no ninia adorasaun saugati deʼit’. (Tiago 1:26)  Iha okaziaun partikular rua bainhira o nia nanál bele lori o ba problema:

  • Bainhira o hirus. Emosaun ne’ebé rebenta babain resulta lia-fuan ka komentario ladiak ne’ebé o rasik laiha hanoin nune’e no arepende iha loron ikus.
  • Bainhira o kole. Kole hamenus o nia sentidu, hasai lia-fuan laiha valor. Sempre hein to’o o nia julgamentu klaru no o bele tetu buat sira ne’e hotu antes koalia sai. Paul dehan, ‘Sempre koʼalia ho laran-diʼak, tau masin uitoan, atu nuneʼe imi bele hatene oinsá imi tenke hatán ba ema ida-idak.’ (Koloso 4:6) Saida mak masin nee sei halo? Masin sei fo sabór, haforsa, hamos, no kura. No o nia lia-fuan sai tenki hanesan ne’e.

HahanEspíritu    Job 18-20    Mat 24:1-14    Salmo 116:1-11    Provérbios 8:8-9