Autor tiru fatin spa tolu iha atlanta hamate ema nain 8, visiadu seksu.ilustrasaun. (REUTERS/CHRISTOPHER ALUKA BERRY).
Jakarta, CNN Indonezia – investigador estadu no federal EUA deskonfia Robert Aaron Long, suspeitu ne’ebe halo aksaun tiru iha spa tolu asiáticos iha rejiaun Atlanta, iha problema privadu barak.
Sheriff Cherokee County Frank Reynolds, iha fatin akontesimentu, hateten problema seluk mak vísiadu (kecanduan) seksu. Tamba problema ida ne’e, nia parte hanoin, Long bebeik ona vizita fatin spa balun molok halo nia aksaun tiru.
Investigador sira nia deskonfia ne’e reforsa mos husi Long nia kolega kuartu ne’ebe naran Tyler Bayless. Nia hateten alende seksu, Long mos vísiadu ba tua no droga.
Por kauza husi vísiu ne’e, Long mos uluk baixa ona. Nia acresenta tan katak, Long ema ne’ebe relijiozu teb-tebes.
Long sempre koalia kona ba Biblia ba nia. Long mos konta ba Bayless katak nia bo’ot iha familia ne’ebe relijozu teb-tebes
No entantu, Bayless hateten iha oportunidade balun ne’ebe nia hela hamutuk ho Long, suspeitu ne’e reklama no dezesperada kona nia vísiu seksu.
“ ida ne’e buat ne’ebe haterus nia. Bainhira nia dejezu, nia sei ba fatin kumu ne’e hodi hodi hasai nia dejezu, “ afirma Bayless hanesan cita husi CNN.com, Kinta-feira (18/3).
Entretantu, Bayless la hatene seráque Long nia aksaun tiru refere ne’e akontese ho intensaun ou lae.
Aksaun tiru me’ebe hamate ema nain 8 akontese iha fatin spa 3 iha Atlanta, EUA iha loron Tersa (6/3). Asidente tolu ne’e hamate ema nain 8 no hakanek ema 1.
Ministeriu Estranjeiru Estadus Unidus (EUA) afirma vitima 4 mate iha asidente refere iha Atlanta loron Tersa-feira (17/3) ne’e etkniku Coreano.
Etnisitas vitima tiru ne’e hamosu espekulasaun problema kona kestaun rasismu ne’ebe halo husi ema Amerikano kontra desedentes Asiático iha Amerika.
Até ex-prezidente Estadus Unidus Barack Obama mos halo komentariu ba alegasaun refere.
“ Maske motivu husi tiru ne’e seidauk klaru, indentidade vitima sira nian ne’e ressaltam aumenta preokupasaun iha violensia anti-Asiátika ne’ebe tenki rezolve, “ afirma Obama.
Maibe, parte autoridade iha Georgia hateten ba jornalista sira ne’e lalais liu kait atakasaun iha rejiaun Atlanta ho kestaun rasiais.
“ ida ne’e foin hahu, maibe ( suspeitu) afirma ida ne’e laos motive rasial, hateten kapitaun Jay Baker husi Gabinete Xerife, distritu Cherokee hanesan cita husi AFP. (MF)