Diretur Organizasaun Sáude Mundial (WHO) ba Europa hateten iha Kinta-feira (18/3) katak situasaun COVID-19 iha rejiaun refere a’at liu tan, tamba numeru ema ne’ebe mate aumenta kompara ho tinan kotuk.
Durante konferensia imprensa virtual iha nia eskritoriu iha Kopenhagen, Hans Kluge hateten ba jornalista sira katak nia profunda ba situasaun iha Europa sentral, Bálças no nasaun sira hanesan Bálticos, iha ne’ebe kazu foun, ema baixa, no mate ne’e mak a’as liu iha mundu tomak.
Kluge hateten iha Europa kuaze akontese liu 20.000 mate tamba COVID-19 kada semana, ho numeru total hotu liu 900.000. Nia hateten iha mos kazu foun ne’ebe liu 1,2 milhaun ne’ebe relatadu iha Europa tomak iha semana kotuk, semana tolu tutuir malu numeru infeksaun kontinua aumenta.
Kluge hateten nasaun 46 iha rejiaun neba uza ona liu 107 milhaun doses vacina virus corona, no 3% husi populasaun iha nasaun 45 mak simu ona vacina kompletu. Nia hateten maske ida hanesan progressu ida, tuir nia la sufisiente atu diminui propagasaun virus ne’e.
Kluge mos ofende kontroversial kona ba vacina AstraZeneca ne’ebe ema sira uza iha nasaun balun, depois de relata husi pasiente sira ne’ebe akontese ran fatuk. Nia repete tan deklarasaun husi funsionariu WHO iha loron Kuarta-feira ne’ebe heteten benifisiu vacina bo’ot liu fali duke nia risku, no vacina ne’e dever hodi uza.
Maske hasai rekomendasaun hanesan ne’e iha semana liu ba, agensia reguladora Medicamentus Europeia, sei anunsio fila fali rezultadu vacina ne’e no kazu ran fatuk iha Kinta kalan. (MF)