‘Vizaun neʼebé sira koʼalia mak husi sira-nia laran rasik, laʼós husi Maromak nia ibun.‘
Jeremias 23:16
Eugene G. Grace, presidenti husi Compañia besi iha Bethlehem hahu husi tinan 1916 to’o 1945 hatete: ‘Enjineiro rihun ba rihun bele halo dezeño ponte, kalkula tensi mamar no tensi estika todan, no pinta detailõs makína. Maibe Enjineiro diak mak ema ne’ebé bele hatete ba o persija halo ponte ka makína nee ka lae, tenki harii iha ne’ebé, no bainhira.’ Husu uluk tanba-sa antes husu oin-sa sei obriga o atu hanoin uluk o nia motivasaun importante no hun hosi o nia vizaun. Ikus-ikus ne’e iha konversa barak kona ba ‘objetivu ka propózitu’. Nee buat diak ida, tanba moris ne’ebé ho objetivu sei lori benefisiu diak liu moris ho fama ka influensia. Maibe o nia objetivu tenki mai husi Maromak.
‘Nee mak Maromak lalehan ho rai Nia lia-fuan: “Keta rona ba profeta nia liafuan neʼebé sira hatoʼo ba imi. Sira bosok deʼit imi; vizaun neʼebé sira koʼalia mak husi sira-nia laran rasik, laʼós husi Maromak nia ibun”’. Bainhira o nia vizaun mai husi Maromak, Nia sei uja vizaun ne’e. Tanba ne’e mak perguntas importante o bele husu laos, ‘Dalan saida mak diak liu atu halo ida nee?’ maibe, tanba-sa hau halo buat sira nee?
Ikus liu, Maromak sei foti desizaun ikus ba buat hotu ne’ebé o fo o nia moris ba. ‘tempu sei toʼo mai atu koko ninia serbisu neʼe. Tanba Maromak nia loron sei hatudu, no ahi sei hatudu sai ema ida-idak nia serbisu. Tanba ahi rasik sei hatudu sai kona-ba ema sira-neʼe harii husi saida. Se ahi la han ema ida nia serbisu neʼebé nia halo iha fundasaun neʼe nia leten, nia sei simu kolen, no se ahi han tiha ninia serbisu neʼebé nia halo, nia sei lakon buat barak, maibé nia rasik sei hetan salvasaun. Maski nuneʼe, nia sai hanesan ema ida neʼebé salva husi ahi.’. (1 Korinto 3:13-15)
CT Studd hakerek: ‘Vida ne’e ida deit, no moris sei hotu, buat ne’ebé halo ba Kristu deit mak sei dura.’
HahanEspíritu □Job 21-23 □ Mat 24:15-25 □ Salmo 116:12-19 □ Provérbios 8:10-13