ROSALIA TERESA PEREIRA comun ho naran Oza Metinaru. Ema nebe simples teb-tebes maibe nakonu ho matenek hodi responde topiku ruma nebe share husi apresentador sira iha Radio Voz iha programa sira hotu. Mesmu moris iha familia nebe simple maibe nia tane as valor moris nebe diak. Oza Metinaru naran ida nee koinesidu iha Media barak iha Dili laran, inclui mos Radio Voz.
Oza Metinaru nebe ho lian nebe ke lotuk nakonu ho manha halo ema gosta ransu ho nia. Nia nebe maka hatene no matenek hodi liga ema. Dala ida deit kuando liga ona ho Nia i halo nia sei lahaluha no nia sei liga halo metin hanesan las halo metin nebe ema labele sobu sai. Maneira liga metin ho ema seluk maka nia bolu manha ema nebe nia foin ransu nee ho bolu istima “Amaun no abin nsst” nune ema nebe rona sente sai familia kedas. Ho bolu manha nee maka hanesan Forsa magneta ida nebe maka dada ema metin ho nia.
Oza Metinaru, bainhira nia rona Radio ho topiku nebe Apresentador sira esklarese dadaun i nia nota kedas no dalaruma nia posting fali iha ninia status media sosial hanesan Whattsap no Facebook.
Ninia moris dala barak hasoru problema kona ba saude nomos problema seluk maibe nia aprende husi Radio Voz katak “Problema no susar i moras entrega hotu ba Nai nune NAI maka resolve”. Nune, Oza sempre implementa ida nee ho susesu. Tamba iha tempu uluk kuando Oza sedauk koinese Radio Voz hodi rona Maromak Nia liafuan no liafuan motivasaun nia sempre desperadus/ putus asa ou lakon esperansa nune halo nia forsa menus ba bebeik. Maibe bainhira nia rona Maromak Liafuan no motivasaun husi Radio Voz halo nia sai forsa fali. Uluk Nia hanoin katak nia sei laiha futuru maibe agora nia iha esperansa foun no agora Oza komesa servisu Voluntario iha Agensia Internasional UNDP.
Tuir mai ita hare mensagem badak ida nia ba apresentador Radio Voz. “Uluk Hau putusAsa los maibe Agora Lae! agora Hau kuat los Tamba NA’I Jesus deit. Buat ne’ebe mak hau hetan e aprende no saida mak hau simu husi NA’I JESUS. Hau sharing bebeik e tinan kotuk mos Hau hetan oportunidade sharing iha Grupo MAGIS i jovem barak ne’ebe hamahan ann ba hodi hodi aprende Kona ba Espiritualidade. No bainhira Hau sharing sira hotu tanis los to’o Hau mos tanis. Tanis Hau dehan ba Sira buat ne’ebe Hau Konta sai ba imi nee akontese iha hau nia moris. Jadi hau hetan oportunidade hanesan nee Hau hakarak sharing para imi mos bele Banati tuir Tau Nai Jesus hanesan Centro Primeiro”. Ida nee maka sasin husi Oza nia moris.
Ami husi Radio Voz desejo katak Oza Sei nafatin rona Radio Voz hodi simu bensaun Espiritual no koko hodi fahe fali ba ema seluk. (RG)