‘Eskritura hotu mai husi Maromak no neʼe diʼak atu hanorin, atu fó konsellu, atu halo loos buat hotu, no atu fó dixiplina tuir hahalok loos…. ‘ 2 Timóteo 3:16-17
Bainhira o lee devosional ida ne’e, sempre hanoin katak forsa nee laos husi hakerek nain nia hanoin ka komentario, maibe mais husi Maromak nia Lia-fuan hakerek nanis. Paul hatete, ‘Eskritura hotu mai husi Maromak.’ Buat sira nee horut ho fini moris hosi Nai Maromak, no fini sira ne’e sei moris iha o nia aan, sei fo fuan espiritu nian, no sei halo kompletu Maromak nia promete hotu.
Hare devosaun ida nee hanesan odamatan sai no laos objetivu. Hare ida nee nudar livru ki’ik ida ne’ebé sei hamoris o nia interese ba livru boot! Bainhira o lee liveru nee loron-loron, rai Biblia iha o nia sorin no loke hodi hare eskkritura ne’ebé sai referensia. Iha tempo ne’ebé o rai Maromak nia lia-fuan iha o nia laran loron-loron, buat ne’ebé furak sei komesa akontese iha o nia moris.
Kantadór hakerek: ‘Ksolok ba ema neʼebé la halo tuir ema aat nia konsellu no la hamriik iha ema sala-naʼin sira-nia dalan no la tuur hamutuk ho ema neʼebé hakribi buat neʼebé loos. Maibé nia gosta tebes Maromak nia ukun-fuan. Nia lee no medita Nai nia ukun-fuan loron no kalan. Nia sei sai hanesan ai-hun ida neʼebé kuda besik bee-dalan, ai-hun neʼebé fó fuan tuir ninia tempu, ninia tahan sira sei la sai namlaek. No nia sei hetan susesu iha buat hotu neʼebé nia halo. Maibé ema aat la hanesan nee; Sira hanesan trigu-kulit neʼebé anin lori lakon tiha.’ (Salmo 1:1-3) Atensaun ba lia-fuan ‘No nia sei hetan susesu iha buat hotu neʼebé nia halo.’
Iha tempo o renova o nia hanoin ho eskritura, o nia fé se buras, o nia visaun sei muda, no area tomak iha o nia moris sei komesa iha mudansa ba diak liu. ‘Eskritura hotu mai husi Maromak no neʼe diʼak atu hanorin, atu fó konsellu, atu halo loos buat hotu, no atu fó dixiplina tuir hahalok loos, atu nuneʼe Maromak nia atan bele iha kbi’it, no sai prontu hodi halo serbisu diʼak hotu.’
HahanEspíritu □ 2 Reis 4:42-44 □ Mar 6:30-44