‘Maibé hatudu laran-diʼak ba malu, hanoin malu, perdua malu ho laran hanesan Maromak mós fó perdua ho laran ba imi liuhusi Kristu. ‘ Éfeso 4:32
Ida ne’e istoria ne’ebé aman-inan sira hotu tenki lee no hanoin kona. ‘Iha loron ida hau ho hau nia laen monu ba argumentu ida no remata ho hakilar malu. Hau hakiduk ba varanda no tuur no hakru’uk hau nia ulun iha liman rua hodi tanis. Ami nia oan tinan 2 rona ami nia argumentu. Nia tuur iha hau nia sorin no tau nia liman hakoak hau hodi dehan “Hau hadomi Mãe,”. Hau hatete, “Hau mos hadomi o”. Nia sadere nia ulun mai hau nia kabaas, hakoak metin hau. Nia hatete, “Hau harohan Mãe bele hadomi hau nia Pai mos”. Koalia buat ne’ebé bele lees ita nia laran! “Maibe hau hadomi duni o nia Pai. Ami diskuti buat ne’ebé ami la aseita malu.” Iha ne’e, hau nia oan hamnasa, hamrik, no lao sees. Hau husu ba nia “O atu ba ne’ebé?”. Nia hatan ba hau, “Hau ba hatete Pai katak Mãe hadomi Pai!”’
Kuandu o hatudu hirus iha o nia oan sira nia oin, tenki asegura sira nia prezensa bainhira imi simu no perdua malu. Hanorin sira oin-sa atende problema ne’ebé la persija halo ataka hasoru ema nee. Fo hatene ba sira katak buat opiniaun ne’ebé la hanesan bele lori ba desizaun ida ne’ebé sei fo diak ba hotu-hotu. Tanba nee iha problema ida maske o mak salah, maibe sira sei respeita no hadomi nafatin.
Dalabarak ida ne’e signifa o hanorin sira ho buat ne’ebé ema seluk nunka hanorin ba o. Kuandu hanesan nee, aprende husi salah sira ne’ebé ita nia aman-inan uluk halo no fahe tutan matenek nee ba oan sira. Perdua kuandu o laran kanek, no labele husik odio nee iha to’o lori ba toba (haree Éfeso 4:26). Jesus hateten o tenki perdua ‘atu nuneʼe imi-nia Aman iha lalehan mós bele fó perdua ba imi-nia sala sira.’ (Mar 11:25)
Tau iha hanoin, aman-inan, imi nia oan sira haree tuir imi!
HahanEspíritu □Job 29-31 □ Mat 24:36-51 □ Salmo 55:1-11 □ Provérbios 8:17-18