Prezidente da Republika Demokratika de Timor-Leste Dr. Francisco Guterres Lu-Olo, Fontes Foto google.
Dili – Prezidente da Republika Demokrátika Timor Leste DR. Francisco Guterres Lu-Olo, liu husi nia mensajem iha conferencia imprenza transminsaun direta iha Palacio Prezidente Nicolau Lobato sesta semana ne’e haklaken ba povu katak :
Pandemia virus Covid-19 sobu ona ema tokon ba tokon nia moris iha mundu tomak, no hamate ona ema hamutuk besik ona milhaun tolu.
Prezidente da Republika konsiente pandemia virus corona Covid-19 todan ba nasaun,
Tamba ne’e Prezidente Lu-Olo husu ba entidades polítiku hotu atu lalika lori situasaun Covid-19 hodi halo kampanha atu ba kaer ukun, tamba virus corona Covid-19 la fo vantazen ruma ba partidu ida ba guvernu no ba kualker sidadaun ida, maibe lori susar no mate ba povu Timor oan hotu no ba umanidade tomak.
Prezidente da republika husu ba guvernu atu implementa lalais programa vasinasaun, no kria mekanizmo ekonómika lalais ba populasaun sira nebe laiha rendementu hodi bele asesu ba hahan lor-loron nian ho respeitu nafatin ba medidas prevensaun no kombate Covid-19,
prezidente darepublika mos alerta ba loja nain sira atu labele aproveita situasaun susar Covid-19 hodi hasa’e sasan folin liu-liu nesesidades primariu ba povu nia moris lor-loron nian . (AG)