Donald Trump plano sei retorna ba media social. Jason Miller, ex-asessor Trump, iha Domingo (21/3), hateten ex-assesor prezidente Trump sei uza nia “plataforma rasik” depois de blokeia husi Twitter no média sira seluk.
“Ita sei hare prezidente Trump sei fila ba média social talvez fulan rua ou tolu,” afirma Miller ba Fox News.
Uza média social ne’ebe provocativu husi Trump mak karakteristika husi nia presidensia. Nia trai 88 milhaun seguidores ba Twitter no frequentamente uza tweet para denunsiar nia kritikus ou anunsiar pessoal ou alterasaun siginifikativas politikas. Maibe Twitter blokeadu permanente account @realDonaldTrump hafoin nia uza hodi enkoraja ema sira hodi hamutuk halo protesta hodi ataka kontra Capitólio Congresso Estados Unidos iha loron 6 Janeiru.
Trump mos hetan bandu, temporaria ou permanente, husi plataforma bo’ot sira seluk inklui Facebook, Instagram, Youtube no Snapchat.
Desde husik hela Washington no fila fali ba resort iha Mar-a-Lago, Florida, ex prezidente ne’e ladun hatudu an ona. Nia dalaruma lansa notisia. Maibe Miller hateten Trump kontinua servisu makas. Miller la fo detalhu no la dehan se nia sei diretamente involve.(MF)
https://www.voaindonesia.com/a/trump-akan-luncurkan-platform-media-sosial-sendiri/5823113.html