‘Ida neʼebé la hatene sala, Maromak halo nia sai nuʼudar sakrifísiu ba ita-nia sala, atu nuneʼe liuhusi nia ita bele sai ema laran-loos iha Maromak nia oin.‘ 2 Korintu 5:21.
Ida ne’e mak lia loos diak no muda moris, Maromak ne’ebé halo Nia oan ida sala laek ‘sai sala nain’ hodi troka ita sira sala nain nia fatin hodi sai ema ‘laran-loos’. Oin-sa ida nee bele akontese? Liu husi servisu? Lae, maibe ho fiar! ‘Maibé tuir Maromak, atu sai ema laran-loos, nee la depende ba buat neʼebé ema ida halo, tanba hodi tau fiar ba Maromak mak ema neʼe sai ema laran-loos maski nia sala-naʼin.’(Roma 4:5)
Buat loos nee laos kona ba oinsa lalaok hahalok ho dalan loos – ida nee kona ba fiar ba ida ne’ebé loos. O labele sai ema laran-loos iha Maromak nia hare liu hosi esforsu nudar ema nian ka halo tuir lei. O sai ema laran-loos liu husi fiar iha Kristu no fiar ba Nia sakrifisiu ikus iha krus. O hatete, ‘maibe hau senti sala bot bainhira hau halo sala ruma.’ No O tenki senti nune’e duni; ida ne’e dalan diak hodi evita an!
Maibe Kristu mak lori todan ba o nia sala tomak; tanba nee, Nia hamo’os ona o nia sala hotu. Entaun saida mak o senti nee? Nee konflitu iha o laran! O nia klamar ne’ebé halo foun ona hela iha o nia isin ne’ebé sidauk halo foun, no nia halo reasaun ho dalan hanesan o nia isin natural nia reasaun hasoru buat ruma ne’ebé perigu. Ba ema ne’ebé foun ona sei senti sala hanesan buat foun ida, no bainhira o monu ba sala nee, nia gostu lalais deit maibe nia konsekuensia at tebes. Nia esensia, sala nee hakat liu ona o nia bareira spiritual, no o nia espíritu foun fo hanoin o katak o sei labele monu tan ba sala nee. Ida nee laos o nia aan ona, o uluk mak bele monu ba sala no hetan gostu husi nee, maibe o ida foun sei labele, tanba o ‘moris foun iha Kristu’(hare 2 Korintu 5:17). Haksolok ba!
Loron ohin Maromak hare o nudar ‘laran-loos’, tanba nee o bele hakbesik an ba Nia iha tempo saida deit ho fiar-an (hare Éfeso 3:12).
HahanEspíritu □Job 32-34 □ Mat 25:1-13 □ Salmo 55:12-23 □ Provérbios 8:19-21