‘Maibé tuir Maromak, atu sai ema laran-loos, neʼe la depende ba buat neʼebé ema ida halo, tanba hodi tau fiar ba Maromak mak ema neʼe sai ema laran-loos maski nia sala-naʼin. ‘
Roma 4:5

 

Iha dalan ida deit ba o atu sai ‘laran loos’. O bele koko, maibe realidade hatudu dalan uniku mak liu husi fiar. Bainhira o koko atu hetan Maromak nia laran luak ho o nia esforsu, o sei laiha deskansa tanba o rasik sei la fiar-an katak o halo buat ruma halo Nia laran haksolok. Maibe bainhira o tau fiar iha Kristu nia servisu ne’ebé remata ona iha crus, Biblia dehan o tama iha Maromak nia ‘deskansa’ (hare Ebreu 4:3).

Paul hakerek, ‘kuandu ema ruma moris iha Kristu kriasaun foun hahu ona (buat ne’ebé uluk laiha): ida tuan (hakarak isin no asaun) laiha ona, ida foun (hakarak isin no asaun) mak iha!’ (2 Korintu 5:7) O la persija esforsu atu sai ema laran-loos iha Maromak nia matan. Iha momentu o tau fiar iha Jesus, Maromak mak sei halo o ‘Laran-loos ba Maromak [iha Kristu].’ (2 Korintus 5:21.

Tanba sa Nia halo ho dalan ida nee? tanba buat laran-loos saida deit mak o bele atinji husi servisu diak no halo tuir regras nee dook tebes husi saida mak Nia hakarak no Nia haree nudar ‘hena foer’ (hare Isaias 64:6)

Tanba nee Maromak kria laran-loos ba o (hare Korintu 5:18). Paul hakerek: ‘David mós koʼalia kona-ba ksolok husi ema neʼebé Maromak haree nuʼudar ema laran-loos, maski ida-nee laʼós tanba ninia hahalok rasik. “Ksolok ba ema neʼebé hetan ona perdua husi sira-nia hahalok aat no sira-nia sala hamoos ona. Ksolok ba ema neʼebé ninia sala Maromak la hanoin-hetan tan.”. (Roma 4:6-8)

Edward Mote hakerek lia-fuan sira nee hanesan hananu: ‘Ho hatais roupa laran-loos deit, perfeitu atu hamrik iha Nai nia tronu. Iha Jesus, iha fatuk ne’ebé toos, hau hamrik; rai leten seluk mesak raihenek ne’ebé halo mout.’ Haksolok ba! Ida ne’e mak dalan oin-sa Maromak haree o – laran-loos tanba fiar!

HahanEspíritu      Job 35-37    Mat 25:14-21    Salmo 38:1-12    Provérbios 8:22-23