Fontes Foto google
Dili – Konselu ministru liu husi reuniaun extraordenariu kuarta feira semana ne’e, aprova proposta alterasaun lei orsamentu jeral estadu tinan 2021 hodi fo resposta imedita ba dezafiu surtu covid-19 atual iha nasaun.
Ministru prezidensia konselu ministru Fidelis Magalhães hafoin reuniaun extraordenaria konselu ministru iha salaun auditoriu Xanana Gusmão Edifisiu Ministeriu Finansas ba konferencia imprenza transmisaun direta Kuarta semana ne’e anuncia ba públiku hateten, Guvernu sei aprezenta proposta alterasaun lei orsamentu jeral estadu tinan 2021 nian mais ou menus milhoens 210 hodi hatan hasoru situasaun atual surtu covid-19 iha nasaun durante periodu tempu fulan 9 oin.
Alterasaun ne’e la hatama orsamentu foun husi fundu petrolíferu maibe halo deit repozisaun rubric orsamentu oje 2021 hodi hatan ba nesesidade hotu adapta rasionalmente ba realidade situasaun covid-19 iha nasaun. (AG)