Jakarta, CNN Indonesia – Sinovac aprezenta relatoriu ba regulador China ne’ebe afirma katak vasina Covid-19 ne’ebe sira produz ne’e seguru ba labarik tinan 3 to’o tinan 17.
O diretor medico Sinovac, Gang Zeng, konfirma afirmasaun ne’e hafoin empreza realiza teste inisiais no intermediariu ne’ebe envolve partisipante 550 hodi hatene resposta ba imunidade hafoin hetan vasina.
Bazeia ba avaliasaun neba, reseptores vasina ne’ebe ho idade tinan 3 no tinan 6 afeita isin manas makas sai hanesan responde ba iha vasina. Tuir Zeng, sira seluk ne’ebe exprimenta so akontese sintomas Kaman.
Professor ida iha Eskola Medisina, Universidade Nasional Singapura (NUS) ne’ebe mos lidera dezenvolvidu vasina Covid-19 ne’e, Eng Eong Ooi, mos apoiu deklarasaun husi Zeng.
Teste ne’e hatudu katak vasinasaun refere seguru no fo rezultadu diak ba Imunidade ne’ebe potensial iha benefisiu atu SARS-Cov-2, ne’ebe ema hotu simu ho diak, “afirma Eng hanesan cita husi Associated Press, Kuarta (24/3).
No entantu, Eng hateten katak data ne’ebe fo sai publiku la sufisiente atu fornese imagem klaru kona ba deskoberta refere.
Labarik sira posibilidade menus atu afeita sintomas grave tamba Covid-19. Maibe, sira sei iha risku nia laran no bele hadaet virus ne’e.
Antes ne’e, China aprova ona hodi uza vasina Sinovac ba ema adultu, maibe seidauk ba labarik sira tamba iha diferente responde sistema imunidade.
Vasina seluk, hanesan Pfizer, hahu uza ba idade 16. Maibe, atu uza ba idade 12-16 sei estuda hela.
Iha parte seluk, Moderna foun anunsiu estuda foun atu teste uza vasina Covid-19 ne’ebe sira halo ba labarik tinan 12 ba kraik. Sinopharm, ne’ebe iha vasina rua, mos ivenstiga hela efikasia produtu ba labarik sira. (MF)