‘Ita-nia matan haree ona haʼu iha haʼu-nia inan nia knotak. ‘ Salmo 139:16

Oinsa ita hare ita nia-an mak determina relasaun saida mak ita rasik harí. Ita barak mak iha sentimentu ita nia dignidade tun. Ita hanoin ema seluk importante liu ita-an rasik no hanoin katak responde sira nia persija importante liu atende ita nia persija rasik. Ita kompara ita-an no husik ema seluk determina se mak ita, no sai depende ba sira nia apoio atu haforsa ita nia identidade. Maibe ida nee hanesan basa iha oin ba Maromak atu haree ema seluk no dehan, ‘karik hau mak hanesan sira.’

Laiha ema ida mak bele troka o! Maromak kria o ho Nia objetivu rasik, atu o bele refleta aspeitu uniku husi Nai nia Gloria. Hanesan ema fiar ba Kristu, ita hetan ona identidade foun nudar Maromak oan. Maromak kria ita laos atu depende ba ema seluk. Maibe, Nai hadia ita liu husi Nia Oan nia figura dan halo ita sai kompletu fali (hare Korinto 3:18)

Moris iha Nia ita la persija tauk atu sai ita-an rasik. Tempo ona atu muda opiniaun loos kona-ba ita-an tuir lia-loos katak Maromak kria o ho loos, tuir persija,komplikadu,maravilosa, uniku no mesak ida deit husi kriatura diak hotu ne’ebé laiha komparasaun.

Kantador hakerek: ‘Ita-nia matan haree ona haʼu iha haʼu-nia inan nia knotak, antes haʼu-nia isin parte ida-idak iha, Ita hakerek ona parte hotu neʼe iha Ita-nia livru Kona-ba loron sira bainhira Ita halo parte ida-idak. Entaun, ba haʼu, Ita-nia hanoin sira mak folin-boot tebes! Maromak, Ita-nia hanoin sira mak barak tebes!’ (Salmo 139:16-18)

HahanEspíritu    Job 40-42    Mat 25:31-40    Salmo 69:1-18    Provérbios 8:27-29