‘ Haʼu kontinua halai ho hakarak atu simu kolen.‘ Filipe 3:14
Parte bot husi Paul nia susesu tanba nia fokus ka fo atensaun tomak. ‘hau haka’as an ba hau nia objetivu atu hetan valor husi vokasaun atu dezemvolve.’ Fokus bele lori enerjia no forsa ba kuaze buat hotu, iha spiritual, mental, ka fisika. Sosiolojist Robert Lynd observa katak ‘matenek sei iha forsa kuandu ema hatene realidade saida mak la persija tau preukupa ba.’
Hamosu potensia inovasaun dala-barak fo resultadu husi fahe ideas diak barak. Maibe atu lori idea sira nee ba nivel tuir mai, o tenki muda husi hanoin ne’ebé boot liu ba hanoin atu hili ho kuidadu. Idea diak ida sei sai idea kapas baihira fo atensaun barak. Los duni katak kuandu tau atensaun kleur liu ba idea ida sei halo frustradu, maibe o nia badinas sei fo resultadu.
Hanoin sei la konsentra to’o bainhira o iha objetivu. Maibe resolusaun ba o nia objetivu mak atu konsentra o nia atensaun no fo dirasaun ba o, laos para atu identifika destinasaun final. Iha tempo o hanoin kona-ba o nia objetivus, tenki serteja katak objetivu sira nee:
- Klaru duni atu hodi tau atensaun ba;
- Besik duni atu bele atinji;
- Bele ajuda duni atu muda moris.
Paul deskrebe nia objetivu hanesan ‘vokasaun atu dezemvolve’. Bainhira o hanoin o nia an deit, o hanoin ‘ba kraik’, maibe iha tempo o hanoin kona-ba ema seluk, o hanoin ‘ba leten’. Orientasaun tolu nee sei ajuda o. No tenki hakerek o nia objetivu hotu. Kuandu la hakerek, bele serteja katak sira sei la fo atensaun. No bainhira o hakarak duni sira tau atensaun, halo tuir lia-menon husi produtor teatru David Belasco, ne’ebé dehan, ‘kuandu o la konsege hakerek o nia idea iha hau nia kartaun naran nia kotuk, o laiha idea ida ne’ebé klaru.’
HahanEspíritu □Éx 12:1-14 □ Mat 26:17-29 □ Salmo 49 Paskua