Dili – Guvernu prokupa ho akontesementu konfrontus entre membru organizasaun arte marcial IKS-PTL ho organizasaun rituais no kulturais 77 iha periodu serka sanitaria loron hirak foin lalais.
Tamba ne’e secretariu estadu juventude desportu konvoka audiensia ho lideransa organizasaun rua hodi hapara konfrontasaun krimis entre organizasaun rua no evita konfrontasaun krimis repete hikas.
Secretariu estadu juventude desportu Abrão Saldanha iha edificio secretaria estadu juventude desporto hafoin enkontru ho lideransa organizsaun rua Sesta semana ne’e ba jornalista sira hateten, Presiza lejislasaun proprio hodi regulariza organizasoins arte marciais hotu nia interese iha kontestu interese estadu.
Husi sorin seluk mestre organizasaun arte Rituais no kulturais, Abilio Soares hateten, konfrontasaun krimi nebe akontese entre membru organizasaun rua kontra estatutu organizasaun, no nudar responsabilidade membru autor krimi nebe involvidu aktu krimi atu submete ba prosesu justisa, tanba mos lei no.5/2017 bandu hela organizasaun arte marcial sira atu halo intervensaun direta ba konflitu nebe akontese iha nivel membru sira iha kraik.
enkuantu Prezidente organizasaun arte marcial ikatan keluarga silat ikatan putra Timor Leste (IKSPTL) Silvestre Savier “Sufa” sublina, laiha autorizsaun ruma hosi organizasaun relasiona ho konfrontasaun krimis membru organizasaun rua nebe akontese, no laiha artigu ruma hosi estatutu organizasaun nebe orienta membru sira ba involve aktu krimi, tamba lei estadu maka bot liu estatutu organizsaun hotu, tanba ne membru hotu organizasaun nian asumi responsabilidade moral hodi kontribui ba paz no estabilidade nasaun. (AG)