Policia halo serku metin iha lokasaun fatin bomba oho an (Suicida) iha Katedral Makasar Sulawesi do Sul iha loron dominggu (28 / 03 / 2021) Polisia kuarda metin iha Igreja nia oin.
Komandante Polisia Sulawesi do Sul, Irje Pol Mardiayam hatete katak, husi bomba atakasaun ida nee aumenta hakanek vitima iha Igreja Katedral, Makasar.
Antes nee Polisia reporta katak vitima hamutuk 14 nebe kanek. Maibe tuir faktus foun nebe nebe iha terenu Iha tuku 04 lokraik vitima husi atakasaun bomba nee hamutuk ema nain 20. Vitima sira nee balu kanek todan no balun kamaan.
Komandante Polisia nee afirma katak Vitima nebe ke kanek kama’an fila ona ba uma no balun kanek todan halao hela tratamentu Iha Hospital iha Makasar.
Vitima nebe kanek todan sei tau hamutuk iha hospital Bhayangkara (Hospital Polisia). Ida nee fasil hodi koordenasaun entre Polisia ho vitima husi atakasaun ne’e lao ho diak.
Vitima sira barak liu kanek sunu iha isin husi atakasaun ida nee. Hamutuk Ema nain hitu nebe kanek todan muda ba Hospital Bhayangkara para hetan tratamentu.
Antes nee, Polisia regiaun Sulawesi do Sul afirma ho los katak insidente bomba oho an ne’e akontese iha loron dominggu 28 Marsu 2021 iha oras tuku 10.28 dader iha Igreja Katedral.