Polisi berjaga di luar gereja pasca ledakan di Makassar pada 28 Maret 2021. (Foto: AFP/Indra Abriyanto)Polisia seguransa hela iha Igreja nia oin, depois de explozaun iha Makassar iha 28 Marsu 2021 (Foto:AFP/Indra Abrianto)

VOA – Polisia deskonfia explozaun bomba iha komplexu Igreja Katedral nia oin, Dalan Kartini, Sidade Makassar, Sulawesi do Sul, Dominggo (28/3) dader, realiza husi ema nain rua.

Autor ba krimi deskonfia ema nain 2 nebe uza motor. Antes ne’e autor nebe suspeitu uza motor atu tama iha portaun Igreja Katedral nian, nebe oras neba mos foin remata misa, “ afirma chefe Relasaun Públicas  Sede da Polícia Inspetor Geral, Argo Yuwono iha nia intrevista iha Jakarta.

“Karik nia hare ema sai husi igreja barak, tuir protokolu saude nian nebe so balun deit mak partisipa direita. Seguransa la fo lisensa hodi tama, no ikus akontese explozaun, “nia hatutan.

Ema nain 14 mak hetan kanek iha explozaun bomba ne’e. Maibe, polisia seidauk halo konfirmasaun ema nain hira mak mate, no mos seraque ida mate ne’e autor ne’e rasik ou vitima sira seluk.

“Ami mos seidauk bele halo konfirmasaun se mate isin sira nebe kotu ne’e autor autor dunik ga lae, tamba isin sira nebe kotu ne’e barak. No mos seidauk hatene seraque autor ne feto ga mane. Buat hotu sei iha investigasaun nia laran, “ dehan Argo, nebe husu publiku atu pasiensia no fo tempo ba polisia hodi halo investigasaun.

Nia akresenta tan katak akipa Antiterrorista Densus 88 sei viagem ba Makassar iha Domingo (28/3) meudia, no halo kordenasaun ho ekipa Densus no Poltabes Makassar nebe iha ona fatin.

“Ami sei nafatin halo investigasaun klean kona ba ida ne’e, no mos kona ba Explozaun bo’ot ou lae. Husi ne’e mak sei hatene rede aggressor. Ami sei buka evidensia no testemunha, “nia afirma. (MF)

 

https://www.voaindonesia.com/a/ledakan-di-makassar-polisi-duga-pelaku-dua-orang/5831228.html