‘Maromak mak Aman neʼebé laran-sadiʼa no fó kmaan ba ema iha situasaun hotu. ‘ 2 Korinto 1:3
Bainhira o lakon ema ne’ebé o hadomi, o sei infrenta prosesu lutu. No Maromak mak sei fo kmaan no lori o liu tempo nee. Jesus hatete, ‘Ksolok ba sira neʼebé triste, tanba sira sei hetan kmaan’(Mateus 5:4) Lutu nudar dalan diak ida atu prosesa o nia emosaun, hodi espresa o nia laran moras no hakat liu husi nee. Senti diak sei la akontese iha kalan ida nia laran; nee sei akontese tuir etapa o nia lakon. So lakon ne’ebé ki’ik deit mak bele kura lais.
Zig Ziglar hatete: ‘Horas 20 ne’ebé senti naruk tebes iha hau nia moris mak momentu hau nia oan-feto mate. Iha tempo hakoi nia, hau tenki rona husi ema vendedor ida ne’ebé koalia la para, no hatete mau hau dala 30 katak nia laos vendedor. Hau tenki ses husi salaun dala rua; hau labele atende ona nia. Kalan antes, toba sidauk dukur diak, hau sempre hanoin hau nia oan-feto no husu iha hau nia hanoin bainhira mak nia aman sei mai foti nia. Dader tuir mai, hau lao halimar, orasaun no tanis tuir dalan. Kuandu hau fila fali, Maromak koalia mai hau ho maneira oi-oin: “nia diak hela. Nia hamuttuk ho hau, no o mos sei diak deit. Hau mak buat hotu o persija. Kontinua lao. Kontinua koalia. orasaun nafatin. Tanis nafatin.”’
Lutu no senti lakon sei labele resolve, maibe ida nee esperiensia ne’ebé laos o atu senti mesak. Salmo ida famozu liu iha Biblia hatete, ‘Maski hau lao iha foho-leet neʼebé nakukun tebes, Hau la tauk kona-ba perigu sira; Tanba Ita hamutuk ho haʼu.’ (Salmo 23:4)
Loron-matan sei naroman fali. ‘Karik ema bele tanis iha kalan, maibé iha dadeer, nia sei haklalak ho haksolok’ (Salmo 30:5) O nia haksolok sei mai fali—Maromak promete ida nee!
HahanEspíritu □Esther 5-10 □ Mat 26:1-17 □ Salmo 18:1-29 □ Provérbios 26:24-27