Dili – Eskalasaun númeru ema moras pozitivu virus corona covid-19 nebe kontinua sa’e iha nasaun obriga estadu tenke desidi hikas fali extensaun estadu emerjensia ba dala 12.
Portavoz konselu estadu Gregório Sousa iha palacio Prezidente Nicolau Lobato segunda semana ne’e ba jornalista sira hateten, hare ba eskalasaun kazu covid-19 iha nasaun nebe loron ba loron kontinua aumenta nafatin, maka Prezidente da Republika DR.Francisco Guterres Lu-Olo konvoka reuniaun extraordenariu rua nivel Konselu Superior Defeza Seguransa no Nivel Konselu estadu.
Husi reuniaun extraordanriu ne’e rekomenda Prezidente da Republika dekreta hikas fali estadu emerjensia ba dala 12, tanba ne’e, iha loron ne’e kedas prezidente Lu-Olo haruka karta husu autorizasaun ba parlementu Nacional hodi dekreta estadu emerjensia ba dala 12. (AG)