Prezidente Joko Widodo no PM Malaysia Muhyiddin Yassin iha Palacio do Estadu (Foto: Agus Suparto, Palacio Prezidente Indonesia).
Jakarta, CNN Indonesia – Primeiru Ministru Malaysia Muhyiddin Yassin husu Indonesia atu haruka fila trabalhadores migrantes sira nebe ba iha nasaun vizinhu ho ilegal.
Pedidu ne’e hato’o husi Muhyiddin bainhira hasoru malu ho Prezidente Joko Widodo iha Palacio do Estadu, Jakarta, durante nia primeira viagem hanesan Primeiru Ministru iha Sexta (5/2).
“Koneksaun ho regras ba deportasaun no repatriasaun trabalhadores migran Indonesia (PMI), hau hakarak fo hau nia apresiasaun ba Prezidente Jokowi tamba halo fasil ona prosesu deportasaun PMI nebe servisu ilegalmente iha Malaysia, “ dehan Muhyiddin iha nia deklarasaun ba imprensa hamutuk ho Jokowi hafoin reuniaun bilateral.
Iha oportunidade ne’e, Muhyiddin mos husu koperasau ho Indonesia para aumenta esforsu hodi garantia sidadaun Indonesia nebe hakarak mai iha Malaysia liu husi meios kanais legalmente.
To’o agora, Malaysia sai hanesan fatin destinasaun favoritu hodi trabalhadores Indonesia servisu.
Tuir dadus Ministério da Mão de Obra, eziste milhaun 7 trabalhadores Migrantes Indonesia nebe tenta sorte iha nasaun vizinhu iha 2020. Husi numeru ne’e, so 1,3 milhaun trabalhadores Migran Indonesia mak ba servisu iha Malaysia ho legalmente. (MF)