Prezidente da Igreja Cristã Agape, Pr. Nilton Lima, ( fontes foto Fb).
Dili – estudantes sestu ano Escola Farol Betrita Rafaela Rangel Pereira, no estudante eskola sekundaria 4 de Setembru Balide Elizeia Carmelita Gusmão Rangel.
Iha okaziuan distribuisaun sesta báziku iha salaun Igreja Cristã Agape Tersa semana ne’e ba Radio vos hateten, nudar estudantes sira infrenta situasaun pressaun pisikolózikamente tanba laiha atividades aprendesazen iha eskola, sira mos sente pressaun ekonomikamente tanba infrenta kondisaun menus aihan iha uma laran, .
Sira agradese tanba bele simu aihan sesta báziku hosi Igreja Cristã Agape Timor Leste hodi ajuda suporta sira nia nesesidade no aguenta iha situasaun difisil serka sanitaria, estudantes feto rua ne’e esperansa bo’ot atu nasaun ultrapasa lalais situasaun pandemia covid-19, atu sira bele fila hikas ba aprendejazen iha escola .
Enkuantu Prezidente Igreja Cristã Agape Timor Leste Pr. Nilton Lima, iha nia servisu fatin sede Igreja Agape Cristã Timor Leste segunda semana ne’e ba Radio Voz hateten, nudar lider Igreja nia konsiente situasaun lokcdwon serka sanitaria afeita makas ba povu Igreja Agape, tanba ne’e lideransa Igreja Agape hola inisiativa fo tulun ba povu familia uma kain no jovens sira membru Igreja Agape sira.
Aleinde mos tulun komunidade sira nebe hela besik iha Igreja Agape nebe infrenta menus aihan, hamutuk jovem estudantes universitariu atus 200 hosi distritu sira seluk nebe hela iha Dili, no familia uma kain hamutuk 100 Maka sai benefisiariu husi aihan sesta báziku nebe Igreja Cristã Agape oferese .
Pr. Nilton apela ba lideransa Igreja sira nebe iha meius no posibilidade bele mos inisiativa hodi tulun povu iha situasaun difisil ne’e, Pr.Nilton mos apela ba governu atu aselera lalais estratezia re-ativasaun sesta basiku hodi tulun povu tomak nebe oras ne’e infrenta situasaun difisil iha periodu serka sanitaria. (AG)