Ilustrasaun Vasina Virus Corona (iStockphoto/herraez)
Jakarta, CNN Indonesia – Rusia deklaramente rejistu vasina virus corona (Covid-19) ba animal nebe hanaran Carnivac-Cov.
Agensia Supervizaun Seguransa Agrikola Rusia, Rosselkhoznadzor, hateten teste klinika Carnivac-Cov hahu tiha ona desde Outobru 2020 liu ba.
Agensia ne’e afirma vasina Covid-19 ba animal nebe primira-vez iha mundu ne’e 100% efetivu oho virus corona ba animal.
“Teste klinika Carnivac-Cov involve asu, busa, raposas Ártico, no animal sira seluk tan, “dehan vise-chefe Rosselkhoznadzor, Konstantin Savenkov, iha Kuarta (30/3).
“Rezultadu teste possivel atu konklui katak vasina ne’e la perigozu no imunogenika teb-tebes tamba animal sira hotu ne’ebe hetan vasina dezenvolve sira nian anticorpos, “nia akresenta.
Savenkov hateten imunidade husi vasina refere bele dura to’o fulan ne’en (6) hafoin vasinasaun. Maibe, nia hateten to’o agora sei dezenvolve hela analiza.
Cita husi Reuters, Savenkov hateten nia agensia plano hela atu hahu produsaun massal vasina Carnivac-Cov ne’e nebe sei mai iha fulan Abril.
Pandemia virus Corona nebe mosu ona no espalha desde tinan kotuk liu ba ne’e, laos deit ataka ema, animal balun hanesan Gorilha iha San Diego Zoo Safari Park, Estadu Unidus, no Leão hat iha Zeologiko Barcelona, Espanha, mos iha Covid-19.
Tigre mutin nia oan rua iha Pakistaun, relatadu mate tamba Covid-19.
Iha Denmark, animal ida naran arminhos hamutuk rihun 15, tenki oho hotu tamba deskonfia transmiti Virus Corona ba ema. (MF)