Anggota Jihandak, Senin (29/3), memperlihatkan kantong plastik berisi sejumlah barang bukti yang dikumpulkan di sekitar lokasi ledakan bom di Gereja Katedral Makassar, Sulawesi Selatan pada Minggu, 28 Maret 2021. (Foto: Yusuf Wahil/AP)Membru Jihandak, Segunda-feira (29/03), hatudu plastiku nebe iha laran iha evidensia balun nebe halibur hamutuk iha fatin explozaun bomba, iha Igreja Katedral Makassar, Sulawesi Sul, iha Domingo 28 Marsu 2021. (Foto: Yusuf Wahil /Ap).

 

Depois de explozaun bomba suicida iha Igreja Katedral Sagrada Coração Makassar, Sulawesi Sul, Polisia konsege kaptura ema barak nebe ligasaun ho explozaun refere. Ida husi sira sai hanesan ema nebe produz Bomba refere.

Chefe Polisia Nasional, Listyo Sigit Prabowo, hateten Polisia kaptura ona ema 23 nebe ligasaun ho bomba suicida iha Igreja Katedral Makassar, nebe akontese iha Tersa (28/3) semana kotuk liu ba.

“Total to’o loron ohin hamutuk 23 husi fatin tolu refere, “ afirma Sigit, Kuarta (31/3) kalan.

Sigit esplika, ema atus barak asegura ona husi fatin tolu nebe diferente, nomeadamente Makassar, Jakarta dan Bima. Polisia kaptura ema nain lima iha Jakarta, no lima seluk iha Bima. Suspeitu nain Sanolu resin-tolu antes ne’e prezu iha Makassar.

“Ema ida Inisia W mak autor nebe produz bomba, ida ne’e ami kaer tiha ona, “nia hateten.

Atualmente, polisia sei kontinua halo investigasaun klean kona ba bomba suicida nebe akontese iha Makassar.

“bainhira ami investiga hotu ona, ami sei kontinua fo informasaun, “ Sigit Konklui.

Hanesan ema hotu hatene, bomba suicida akontese iha portaun Igreja Katedral Makassar, Dominggo (28/3) dader. Iha explozaun ne’e, polisia hateten iha parseiru fen ho laen nebe ho inisial L no YSF hanesan autor Bomba suicida refere. Polisia mos dehan sira nain rua mos afiliadu ho rede Jamaah Ansharut daulah (JAD).

Ema 20 mak hetan kanek iha insidente nebe akontese iha Misa Domingo Ramos semana ida molok tama ba Paskoa. (MF)