Komunidade balun hare uma sira nebe hetan estragus afeita husi inundasaun iha Vila Walburak, rejiaun Adonara Leste, Flores Leste, Dominggo (4/4/21) (ANTARA FOTO/HUMANS PNPB).
Jakarta, CNN Indonesia – Inundasaun bo’ot nebe akontese iha rejiaun Flores leste, Nusa Tenggara Timur (NTT) iha Dominggo (4/4) loron ne’e. informasaun ikus nebe hateten ema 54 mak mate iha dezastre refere.
“ Total vitima dezastre naturais nebe hetan ho kondisaun nebe laiha ona iis iha Domingo lorokraik, iha ema 54, antes ne’e ema 20, enkuantu ne’e esforsu hodi buka sei kontinua nafatin iha terrenu, “ dehan Vice-Administrador Flores Timur Agustinus Payong Boli horiseik.
Inundasaun bo’ot ne’e mos afeita rai monu iha aldeia balun iha rejiaun Flores leste. Rai monu pior liu ne’e mos akontese iha aldeia Boleng, rejiaun Flores Leste.
Agustinus hateten, dezastre ne’e akontese iha Dominggo kalan maiz ou menus tuku 01.00 Wita. Inundasaun ne’e akontese tamba udan makas akompanha ho anin bo’ot nebe akontese ho durasaun kleur.
Agustinus heteten, be’e nebe sulin makas iha komunidade sira nia fatin, nebe halo inundasaun laos deit halo rai monu, maibe lori mos ai até fatuk bo-bot nebe baku kona komunidade sira nia hela fatin.
Aleinde vitima sira nebe mate, uma rihun barak mos prediksaun akontese estragus pior tamba akontesimentu ne’e.
Maske hetan ona vitima sira nebe mate barak, maibe ekipamentu nebe limitadu mos konsidera obstakulu ida hodi buka vitima iha fatin akontesimentu. Assuntu ne’e relevante husi Administrador Adonara Leste, Rejiaun Flores Leste Damianus Wuran.
Damianus hateten disponibilidade limita ekipamentus iha area dificulta hodi buka vitima inundasaun nebe akontese iha área Waiwerang no areadores iha Rejiaun Flores Leste, Nusa Tenggara Timur (NTT) iha Dominggo (4/4).
Chefe centro de Dados, informasaun, no Komunikasaun I Dezastre BNPB Raditya Jati hateten, ninian parte prepara 10 mil kit teste antigen iha área Flores Leste hodi evita transmisaun Covid-19 iha evakuasaun.
Nia haktuir, maske iha kondisaun dezastre, BNPB kontinua fo prioritiza protocol saúde durante dezastre inundasaun iha Flores. Sira lakohi tratamentu pandemia ne’e ignora hela maske iha dezastre naturais.(MF)