‘ labele hanoin dehan ema nebe fiar Nai Maromak sei la hetan terus. ‘ 1 Pedro 4:12
Biblia fo hetene ita: ‘ labele hanoin oioin kona ba provasaun makas nebe mai hanesan julga ita, nebe halo ita hanoin katak buat a’at los ona mak akontese ba ita; maibe haksolok ba tamba imi bele hetan terus hanesan Kristu uluk mos terus, se imi haksolok nune’e aban bain-rua bainhira ema hot-hotu hare Jesus Kristu fila fali mai ho naroman nabilan, imi sei haksolok liu tan. ‘(1 Pedro 4:12-13).
Pedro nia liafuan: “ hau husu ba imi atu labele preokupa liu ho provasaun todan nebe sei mai hodi koko imi nia fiar.
Se imi hetan preseguisaun tamba tuir Kristu, ida ne’e previlegio bo’ot ida, tamba o fiar katak Maromak nia espiritu hakmatek hela iha o.
Bainhira karik o senti prova sira ne’e parese estranhu, ne’e normal no o presija liu husi ida ne’e! ida ne’e mak maneira hodi o bele buras iha domin no graca. Ida ne’e mak Maromak nia maneira hodi halo kompleta no prepara o atu halo buat nebe mak bo’ot iha Ninian reino.
Maromak nunka halo terus ita, mais konserteza nia sei koko ita. Noa nia prova ida ne’e sukat ita, no haforsa liu tan ita nia Fe, purifika ita no halo ita buras iha parte espiritual.
Hanesan apostolu Paulo dehan: ‘ Quantu mais grasa barak nebe Maromak fo, barak liu tan agradesimentu nebe sei fo Nia Gloria. Ida ne’e mak razaun tamba sa ami nunka nakdoko.
Terus nebe ami hetan agora dadaun ne’e hanesan buat kma’an ida nebe la kleur sei liu hotu. (2 kor 4: 15-17).
hahan espiritual: Lev 8-10, Mateus 28:16-20, Salmo 72:12-20, Proverbios 9:7-9