Ilustrasaun foto hakoi mate isin Covid-19 iha Iran, (AP/Ebrahim Noroozi).
Jakarta, CNN Indonesia – Ministerio Saúde Iran, relata kazu infeksaun virus corona (Covid-19) iha nasaun ne’e borus to’o ema milhaun 2 desde pandemia akontese iha tinan kotuk.
Numeru ne’e alkansa rezultadu husi aumenta kazu infeksaun diario ema rihun 22 iha Kinta (8/4).
Informasaun ne’e transmiti husi Porta-Voz Ministerio Saúde Iran, Sadat Lari, liu husi Televizaun Nasional. Nia mos hateten governu planeja regras restrisaun rigidas hodi suprimir aumenta kazu Covid-19.
“ Infelizmente, ho 118 ema mate desde horseik, ami rejistu total 63.884 mate tamba corona. Numeru ema sira nebe infeksaun besik 2.006.934 ho 22.586 kazu desde Kuarta,” hateten Sadat hanesan Cita husi Reuters.
Governu fo sala ba sociedade tamba kazu ne’e aumenta, liu-liu tamba ema rihun barak iha Iran ignora protocol saúde no ba hodi halo reuniaun hamutuk ho familia durante selebra Nowruz, feriadu tinan foun Iran nian nebe akontese durante semana rua hahu husi 20 Marsu liu ba.
Relatoriu balun hatudu provinsinsia 31 iha Iran muda ba zona laranja nebe nia risku transmisaun menus liu hodi alert aba zona mean virus corona.
Hodi minimiza transmisaun virus, funsionariu Agensia Saúde husu ba komunidade hodi evita viagem se la urgenti no nafatin hela iha uma.
Tuir média Nasional Iran, Grand Bazaar Taheran no centru komersiu sira seluk taka durante semana rua, hafoin aumenta kazu infeksaun virus corona iha loron hirak liu ba.
Maske iha rezeitasaun ba vasina Fabrikada iha Rusia, maibe iha Fulan Fevereiru liu ba Iran halo kampanha vasinasaun massal
Prezidente Iran, Hassan Rouhani, lidera prosesu vasinasaun contra Sputnik V nebe halo transmisaun direita liu husi televisaun nasional Iran. (MF)