Prezidente França Emmanuel Macron sei aplika fila fali lockdown nasional durante fulan ida hahu Sabadu (3/4). (AP/Kenzo Tribouillard).
Jakarta, CNN Indonesia – França fila fali halo blokeia nasional (lockdown) ba dala tolu hahu Sabadu (3/4). Ida ne’e halo hodi reduz transmisaun Covid-19 nebe aumenta ba dadaun.
“Ami sei lakon kontrola se karik ami la bo’ok an lalais, “ hateten Prezidente França Emmanuel Macron, bainhira anunsia politika refere hanesan cita husi Reuters, Kinta-feira (1/4).
Macron hateten lockdown sei dura to’o fulan ida. Hanesan parte husi politika ne’e, eskola sei taka durante semana tolu hahu Segunda (6/4). Iha primeira semana, atividades aprendizagem halao online deit. Depois semana rua mai tan eskola sei halo ferias.
Depois de ida ne’e, estudante Pre-Primariu no Primariu bele fila fali ba eskola. Enkuantu estudante Pre-Secundaria no Secundaria sei kontinua eskola online.
“Ida ne’e mak solusaun diak liu hodi evita transmit virus, “ nia afirma.
Agora daudaun, França hasoru etapa datoluk pandemia. Kuaze kazu Covid-19 iha França besik ba rihun 40 kada loron, ida ne’e sae dala rua maka’as kompara fulan Fevereiru. Total rihun 5 pasiente mak tratadu intesivu hela.
Antes ne’e, Macron fiar katak França bele infrenta pandemia sem implementa lockdown. Nia esperansa katak nia bele loke espasu hodi hadia ekonomia. (MF)