Ema india sira halo celebrasaun ritual haris mota (Kumbh Mela) (Reuters/Anushree Fadnavis).
Jakarta, CNN Indonezia – liu ema rihun sanolu iha India deklara katak poszitivu Covid-19 hafoin halo celebrasaun ritual haris iha mota nebe konhesidu ho naran Kumbh Mela nebe akontese iha loron hirak liu ba.
AFP informa katak parte autoridade relata numeru infeksaun ne’e hafoin halo teste ba ema rihun 50 nebe partisipa iha Kumbh Mela iha àrea Haridwar, Uttarakhand, iha oras 48 nia laran.
Governo nasaun parte Uttarakhand informa katak husi fiskalizasaun refere, 408 husi sira deklara pozitivu iha segunda (12/4), enkuantu 594 sira seluk tuir loron tuir mai.
Maske hatene nivel infeksaun Covid-19 iha India aumenta dramatikamente, Hinduismu sira iha Haridwar nafatin hakarak nafatin halao ritual Kumbh Mela.
“ ami nia fiar sai hanesan buat nebe boot ba ami. Boot tebes fiar ne’e, ema barak mai hodi haris iha mota Gangga. Sira fiar katak Maa (inan) Gangga sei salva sira husi pandemia, “ hateten organizador kumbh Mela, Siddhart Chakrapeni.
Nasaun nebe lidera husi Narendra Modi ne’e mos agora sai segundu País ho kazu infeksaun Covid-19 barak liu, ultrapassa pozisaun Brazil antes.
Geralmente, India regista ona total 13,53 milhaun kazu até Segunda-feira. Iha sorin seluk mos kazu corona Brazil sae to’o iha ema milhaun 13,45. (mf)