Sidadaun sira forma hodi simu vasinasaun (Foto: Andre Gusmão/Radiovoz).
Ministeriu Saude koloka proridades vasinasaun Covid-19 ba front line hanesan ekipe profisionais saude iha izolamentu, kuarentena, sala situasaun covid- 19, hospital.
centru saude sira, forsa tarefas pulicia no miltar sira iha frontera, instituisaun media komunikasaun sosial ka jornalsita sira, instituisaun orgaun soberania estadu sira, funsionarius instituisaun estadu tomak nebe ezekuta servisu liga direta ba interese publiku hanesan eletricidade, be-mos, bomberus. Diretota jeral saude publiku dra. Odete da Silva Viegas hateten ida ne ba jornalista sira iha movimentu vasinasaun iha edifisiu servisu saude municpiu Dili sesta semana ne.
Dra. Odete esplika, apliklasaun vasina astrazeneka faze primeiru 20 pursentu nebe Timor Leste simu hosi sistema Covac fo prioridade primeiru ba front line sira, tuir fali ba ema moras fuan, moras asma, moras diabetes moras kankru no seluk, tuir fali ba ema ho idade tinan 70 ba leten.
Dra. Odete husu ba publiku atu kumpriende no pasiensia hodi simu vasina tuir formula sistema vasinasaun nebe ministeriu saude monta ona. Governu iha espetativa boot atu ema hotu iha nasaun ne sei simu hotu vasinasaum antes remata tinan 2021.
Iha obsevasaun iha kapital Dili nota ema barak forma iha fatin centru vasinasaun sira iha ho entuziasmo bot hakarak simu vasina AstraZeneka. (AG)